2 Коринфӧ 12:7 - Коми Библия 2023

⁷ Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

2 Коринфӧ 12:7 ပူးပေါင်းရင်းမြစ်များ

Олӧм 32:25

Кор аддзис, мый оз вермы Яковӧс, вартіс сылы лядьвеяс. Тадзи вермасигас дойдіс Яковлысь лядьвей сӧнсӧ.

Олӧм 32:31

Кыпӧдчис шонді. Яков муніс Пенуэлсянь чотігтырйи.

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

2 Каднебӧг 32:31

Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

Иов 2:6

Господь шуис сӧтаналы: «Сета сійӧс тэнад киӧ, сӧмын олӧмсӧ сылысь эн босьт».

Иов 2:7

Сӧтана муніс Господь водзысь да чорыда дойдіс Иовӧс висьӧмӧн. Сылӧн юр пыдӧссяньыс кок чунь йылӧдзыс петалісны орзьӧм мыльяс.

Езекиль 28:24

Израиль войтырлӧн оз нин лоны сійӧс мустӧмтысь орччӧн олысьясыс, кодъяс ёсь лежнӧг моз сутшкалӧны-дойдалӧны. Сэки найӧ тӧдмаласны, мый Ме – Господь Ыджыдыс.

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Осий 2:6

Та вӧсна Ме тупка сылысь туйсӧ лежнӧгӧн, кытшала сійӧс джуджыд потшӧсӧн, медым сійӧ эз аддзы ассьыс ордымъяссӧ.

Лыд 33:55

Сэтчӧс олысьяссӧ кӧ ті онӧ вӧтлӧй, найӧ лоӧны тіянлы синтӧ сутшкысьясӧн да боктӧ бытшкысьясӧн. Найӧ дзескӧдасны тіянӧс муын, кӧні ті кутанныд овны.

Матвей 26:67

Сэсся сьӧлалісны Исуслы чужӧмас, нӧйтісны Сійӧс да чужӧмас кучкалӧмӧн

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Лука 13:16

Ӧвраамлысь тайӧ нывсӧ сӧтана кӧрталӧмӧн кутіс дас кӧкъямыс во чӧж. Эз ӧмӧй ков мездыны сійӧс шойччан лунӧ?»

1 Коринфӧ 4:11

Ми ӧнӧдз сёйтӧг-ютӧг олам да лёкиник паськӧмӧн ветлам. Миянӧс нӧйтӧны, ми пыр туйынӧсь,

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

2 Коринфӧ 10:5

да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

2 Коринфӧ 12:1

Тайӧ, дерт, нинӧм оз содты меным, но ме водзӧ кута ошйысьны. Ӧні ме висьтала Господьсянь восьтӧм-аддзылӧм йылысь.

Галатӧ 4:13

Ті тӧданныд, мый тіян дінӧ волігӧн ме висьми, но тайӧ сетіс позянлун медводдзаысь висьтавны тіянлы Бур Юӧрсӧ.

Индӧд 17:20

Аслас вокъясысь вылӧджык мед асьсӧ оз пукты, Индӧдысь веськыдвылӧ ни шуйгавылӧ мед оз кеж. Сэки сійӧ да сысянь чужысьяс кутасны дыр юравны Израильын».

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

1 Тимофейлы 3:6

Вичкоса веськӧдлысьӧн оз вермы лоны морт, коді сӧмын на бергӧдчис Ен дінӧ. Ӧд сійӧ вермас вылӧ кыпӧдчыны да омӧльыс моз веськавны мыждӧм улӧ.

Ёрдысьяс 2:3

Та вӧсна Ме шуа, мый ог вӧтлы тіян дінысь тайӧ муас олысьясӧс [кодъясӧс Ме кӧсйи вӧтлынысӧ]. Найӧ кутасны дзескӧдны тіянӧс, а налӧн енъясыс лоӧны тіянлы налькйӧн».