2 Коринфӧ 12:15 - Коми Библия 2023

¹⁵ Тіян вӧсна ме нимкодьпырысь сета ассьым ставсӧ, весиг ачымӧс. Ті менӧ омӧля радейтанныд, гашкӧ, тіянӧс вывті ёна радейта да?

2 Коринфӧ 12:15 ပူးပေါင်းရင်းမြစ်များ

Ӧксыяслӧн 2 небӧг 13:39

Но кор дугдіс шогсьынысӧ, сійӧ эз нин кӧсйы водзӧс перйыны Авессаломлысь.

Ӧксыяслӧн 2 небӧг 18:33

Ӧксы шогӧ усис. Сійӧ чеччис да кайис стенвывса жырйӧ. Мунігмозыс бӧрдӧмӧн шуаліс: «Авессалом пиӧй, Авессалом пиӧй! Бурджык, ме кӧ кулі тэ пыдди, пиукӧй!»

Римӧ 9:3

Аслам вокъяс вӧсна ме весиг дась лоны ёрӧмаӧн, Кристосысь торйӧдӧмаӧн.

2 Коринфӧ 1:14

Дерт, ті мыйтакӧ ӧні гӧгӧрвоанныд нин миянӧс. Сідзкӧ, миян Господь Исус Кристослӧн лунӧ ми вермам ӧтмоза ошйысьны ӧта-мӧдӧн.

2 Коринфӧ 1:6

Ми кӧ сьӧкыдалам – тіянӧс бурӧдӧм да мездмӧм вылӧ. А мездмӧмныд лоӧ тырвыйӧ сэки, кор миян моз венанныд сьӧкыдлунсӧ.

2 Коринфӧ 11:11

Мыйла ог кӧсйы сьӧктӧдны тіянӧс? Гашкӧ, чайтанныд, ог радейт тіянӧс? Енмыс тӧдӧ, ті меным мусаӧсь! Но кыдзи вӧча ӧні, сідзи и водзӧ кута вӧчны.

2 Коринфӧ 12:14

Ӧні коймӧдысь нин мӧдӧдча тіян дінӧ, но ме ог кӧсйы сьӧктӧдны тіянӧс. Меным ӧд тіянсянь нинӧм оз ков, ті асьныд меным коланаӧсь. Оз ныв-пиыс чукӧртны эмбурсӧ бать-мамыслы, а мӧдарӧ, бать-мамыс – ныв-пиыслы.

2 Коринфӧ 12:9

но Господь шуис: «Тырмана тэныд Менам буралӧмӧй, ӧд Менам вынӧй медъёна тыдовтчӧ вынтӧмлун дырйи». Та вӧсна нимкодьпырысь ошйыся аслам вынтӧмлунӧн, медым Кристослӧн выныс тыдаліс ме пыр.

2 Коринфӧ 2:3

Дзик та йылысь ме гижлі тіянлы, медым тіянӧ воа да, меным эз ковмы шогсьыны сійӧ йӧзыс вӧсна, код вӧсна колӧ нимкодясьны. Ме тӧда, меным кӧ нимкодь, тіянлы ставныдлы тшӧтш нимкодь.

2 Коринфӧ 4:12

Тадзи кулӧмыс вӧчӧ ассьыс уджсӧ миян пытшкын, а олӧмыс – тіян пытшкын.

2 Коринфӧ 7:2

Восьтӧй миянлы сьӧлӧмнытӧ, ӧд ми некодӧс эгӧ дӧзмӧдӧй, некодлы лёксӧ эгӧ вӧчӧй, некод помысь эгӧ озырмӧдчӧй.

2 Коринфӧ 7:3

Тайӧс висьтала ог тіянӧс мыждӧм могысь. Водзынджык ме шулі нин тіянлы, мый ті миян сьӧлӧмынӧсь, ми дасьӧсь овны и кувны тіянкӧд ӧтвылысь.

Галатӧ 4:10

Кутчысянныд торъя лунъясӧ, тӧлысьясӧ, воясӧ да кадъясӧ.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

1 Фессалоникаӧ 2:8

Ми ёна радейтам тіянӧс, та вӧсна вӧлім дасьӧсь юксьыны тіянкӧд Енлӧн Бур Юӧрнас, весиг сетны ассьыным олӧмнымӧс. Ӧд ті сэтшӧм мусаӧсь миянлы!

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.