2 Коринфӧ 12:11 - Коми Библия 2023

¹¹ Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 12:11 ပူးပေါင်းရင်းမြစ်များ

Шусьӧгъяс 27:2

Тэнӧ мед ошкӧ мӧд, а он ачыд асьтӧ, мӧд вомсянь мед петӧ тэнӧ ошкӧмыс, а оз аслад вомсянь.

Лука 17:10

Тадзи тшӧтш ті, вӧчанныд кӧ тшӧктӧм серти, вӧчӧм бӧраныд шуӧй: ”Ми сӧмын кесйӧгъяс. Мый колӧ вӧлі вӧчны, ми вӧчим”».

1 Коринфӧ 13:2

Ме кӧ пророкала да тӧда став гусяторсӧ, менам кӧ эм быдпӧлӧс тӧдӧмлун да зумыд эскӧм, верма весиг керӧсъяс вештавны, а муслуныс кӧ ме пытшкын абу, сідзкӧ, ме нинӧм.

1 Коринфӧ 3:22

Павел-ӧ, Аполос-ӧ, Кифа-ӧ, муюгыдыс-ӧ, олӧмыс-ӧ, кулӧмыс-ӧ, ӧніяыс-ӧ, локтанаыс-ӧ – ставыс тайӧ тіян.

2 Коринфӧ 1:6

Ми кӧ сьӧкыдалам – тіянӧс бурӧдӧм да мездмӧм вылӧ. А мездмӧмныд лоӧ тырвыйӧ сэки, кор миян моз венанныд сьӧкыдлунсӧ.

2 Коринфӧ 11:1

Кора тіянӧс, терпитыштӧй менсьым мывкыдтӧмлунӧс. Чайта, ті терпитыштанныд менӧ,

2 Коринфӧ 11:5

Чайта, ме нинӧмӧн абу лёкджык тайӧ ”ыджыд апостолъясысь”.

2 Коринфӧ 12:12

Ме мудзлытӧг вӧчи тіян водзын индысьпасъяс, шензьӧданаторъяс да ыджыд уджъяс. Ставыс тайӧ петкӧдлӧ, мый ме збыльысь апостол.

2 Коринфӧ 12:6

Дерт, ме ог ло мывкыдтӧмӧн, кута кӧ ошйысьны, ме ӧд збыльсӧ висьтала. Но ме ог кут ошйысьны, медым кодкӧ эз мӧвпав ме йылысь унджык сыысь, мый аддзӧ ме пытшкысь либӧ кылӧ месянь.

2 Коринфӧ 3:1

Гашкӧ, миянлы выльысь висьтавны ас йывсьыным? Гашкӧ, мукӧдыслы моз миянлы тшӧтш колӧ вайны тіянлы эскӧдан гижӧдсӧ? Гашкӧ, асьныд сійӧс сетанныд?

2 Коринфӧ 5:13

Ми кӧ ас вежӧрынӧсь – тайӧ тіянлы, абу кӧ – Енмыслы.

Галатӧ 6:3

Ас йывсьыс вывтіа мӧвпалысь, коді збыльвылас нинӧм, ылӧдлӧ ачыс асьсӧ.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ