2 Коринфӧ 11:3 - Коми Библия 2023

³ Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

2 Коринфӧ 11:3 ပူးပေါင်းရင်းမြစ်များ

Олӧм 3:1

Господь Енмӧн вӧчӧм став пемӧсысь змей вӧлі медся мудер. Змей юаліс аньлысь: «Збыльысь-ӧ Ен шуис, энӧ пӧ сёйӧй сад йӧрын быдмысь некутшӧм пуысь?»

Олӧм 3:13

Господь Ен юаліс аньлысь: «Мыйла тэ тайӧс вӧчин?» Сійӧ шуис: «Змей ылӧдліс менӧ, и ме сёйи».

Олӧм 3:20

Гӧтырыслы Адам пуктіс Ева ним, ӧд сійӧ лои став олысьыслы мамӧн.

Олӧм 3:4

«Ті онӧ кулӧй, – шуис змей. –

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Римӧ 12:8

кодлы сетӧма ышӧдны, мед ышӧдӧ, кодлы сетӧма отсасьны аслас эмбурӧн, мед отсасьӧ сьӧлӧмсяньыс, кодлы сетӧма веськӧдлыны, мед веськӧдлӧ тӧждысьӧмӧн, кодлы сетӧма бурсӧ вӧчны, мед вӧчӧ нимкодьпырысь.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

2 Коринфӧ 11:29

Лигышмунӧма кӧ кодкӧ, ме тшӧтш. Усьӧма кӧ кодкӧ, менам сьӧлӧмӧй ёна висьӧ сы вӧсна.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Галатӧ 2:4

Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

Галатӧ 3:1

Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

Галатӧ 4:11

Пола тіян вӧсна – буракӧ, менам весьшӧрӧ мырсьӧма-уджалӧма.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Ефесӧ 4:22

Тіянӧс велӧдісны эновтны важ мортлысь оласногнытӧ да ыштана лёк кӧсйӧмъяснытӧ, ӧд найӧ тшыкӧдӧны тіянӧс.

Ефесӧ 6:24

Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

Колосӧ 2:4

Висьтала тайӧс, медым некод эз кежӧд тіянӧс аслас эскӧдана сёрниӧн.

Колосӧ 2:8

Видзчысьӧй, мед кодкӧ эз тывйышт тіянӧс мувывса мывкыдлуннас да ылӧг сёрнинас. Найӧ подуласьӧны мортлӧн велӧдӧм вылӧ да муюгыд вынъяс вылӧ, а оз Кристос вылӧ.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.

1 Тимофейлы 1:3

Македонияӧ мӧдӧдчигӧн ме кори тэнӧ олыштны Ефесын кодсюрӧӧс ӧлӧдӧм могысь, медым найӧ эз велӧдны ылӧгас,

1 Тимофейлы 2:14

Эз Адам ылав, но ань ыштӧмыс вӧсна ылаліс да мыж вӧчис.

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Титлы 1:10

Унаӧн асныралӧны, ковтӧмсӧ сёрнитӧны да мукӧдсӧ пӧрйӧдлӧны, и унджыкыс найӧ вундыштчӧмаяс пӧвстысь.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

2 Петыр 3:17

Та вӧсна, мусаясӧй, водзвыв тайӧс тӧдӧмӧн видзчысьӧй, медым энӧ шедӧй Ентӧг олысьяслӧн ылӧдӧмӧ да энӧ усьӧй зумыд подув вывсьыс.

2 Петыр 3:3

Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти.

1 Иоан 2:18

Челядь, ӧні бӧръя кад. Ті кывлінныд, мый антикрист локтас. И ӧні уна антикрист петкӧдчис нин. Та серти тӧдам, мый бӧръя кад пуксис.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

Восьтӧм 12:15

Аньӧс вӧтӧдігӧн змей быликтіс аслас вомысь ю мында ва, медым кылӧдны аньӧс,

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.