2 Коринфӧ 11:28 - Коми Библия 2023

²⁸ Став тайӧ сьӧкыдлунъясыс кындзи меным быд лун лоӧ сибӧдны ас дінӧ уна йӧзӧс, тӧждысьны быд вичко вӧсна.

2 Коринфӧ 11:28 ပူးပေါင်းရင်းမြစ်များ

Ап. уджъяс 15:36

Кутшӧмкӧ кад мысти Павел шуис Варнавалы: «Мунам да выльысь кытшовтам сійӧ каръяссӧ, кӧні ми висьтавлім Господьлысь кывсӧ, тӧдмалам, кыдзи олӧны миян вокъяс».

Ап. уджъяс 18:23

Сэні олыштӧм бӧрын бара петіс туйӧ, кытшовтіс Галат да Фригия муяс, ёнмӧдіс сэні велӧдчысьясӧс.

Ап. уджъяс 20:2

Мунігас быдлаын ышӧдіс-ёнмӧдіс эскысьясӧс. Сэсся локтіс Грецияӧ

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

Римӧ 1:14

Ме уджйӧза грекъяслы и варваръяслы, вежӧраяслы и вежӧртӧмъяслы.

Римӧ 11:13

Тіянлы, кодъяс мукӧд войтыръясысь, висьтала: менӧ сувтӧдӧма апостолавны тіянлы, и ме ошйыся аслам кесъялӧмӧн.

Римӧ 15:16

кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.

Римӧ 16:4

Найӧ вӧліны дасьӧсь олӧмнысӧ сетны ме вӧсна. Ог сӧмын ӧтнам ме аттьӧав найӧс, мукӧд войтыръясысь эскысьяслӧн вичкояс тшӧтш аттьӧалӧны.

1 Коринфӧ 7:17

Быдӧн тіян пиысь мед олӧ Енлӧн шуӧм серти да лоӧ сэтшӧмӧн, кутшӧмӧн вӧлі Господьлӧн коригас. Тадзи ме велӧда быд вичкоын.

Колосӧ 2:1

Кӧсъя, мед ті тӧдінныд, кутшӧм ыджыд тыш менам мунӧ тіян вӧсна да лаодикияса вӧсна, тшӧтш на вӧсна, кодъяс менӧ весиг эз на аддзывны.