2 Коринфӧ 11:27 - Коми Библия 2023

²⁷ Ме сьӧкыда уджавлі, кок йылысь усьтӧдз, тшӧкыда коллявлі узьтӧм войяс, овлі сёйтӧг-ютӧг, унаысь видзавлі да пасьтӧг кынмавлі.

2 Коринфӧ 11:27 ပူးပေါင်းရင်းမြစ်များ

Еремей 38:9

«Ӧксыӧй-ыджыдӧй, тайӧ йӧзыс лёктор вӧчисны Еремей пророклы, шыбитісны сійӧс юкмӧсӧ. Сійӧ кулас сэні тшыгйысла, ӧд карас няньыс абу нин».

Матвей 17:21

Видзавтӧг да кевмысьтӧг татшӧм пеж ловъяссӧ вӧтлыны онӧ вермӧй».

Ап. уджъяс 14:23

Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.

Ап. уджъяс 20:31

Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.

1 Коринфӧ 7:5

Энӧ ылыстчӧй ӧта-мӧдсьыныд, а ылыстчанныд кӧ, вӧчӧй тайӧс сёрнитчӧмӧн, сӧмын кутшӧмкӧ кад кежлӧ, медым сэки ёнджыка на верминныд видзавны да кевмысьны. Сэсся бӧр ӧтлаын лоӧй, медым сӧтана эз ыштӧд тіянӧс кутчысьтӧм вӧснаныд.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 6:5

кор миянӧс нӧйтӧны, пуксьӧдӧны дзескыдінӧ, вӧтлӧны, кор ми уджалам ныр вылӧ усьтӧдз, видзалам, коллялам узьтӧм войяс.

Филипӧ 4:12

Кужа овны гӧля, кужа овны и лышкыда. Ставсӧ видлі да тӧдлі: пӧтлунсӧ и тшыглунсӧ, лышкыда олӧмсӧ и гӧльлунсӧ.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

2 Фессалоникаӧ 3:8

некодлысь дась нянь эгӧ сёйӧй. Лун и вой пӧсь петтӧдз уджалім, ӧд некодӧс тіян пӧвстысь эгӧ кӧсйӧй сьӧктӧднысӧ.

Еврейяслы 11:37

Мӧдъясӧс изъялісны, быд ногыс дойдалісны, пилитісны шӧрипӧв да виисны шыпуртӧн. Коймӧдъяс ветлісны кӧза да ыж ку паськӧмӧн, пыкисны гӧльлун, найӧс нӧйтісны да вӧтлісны.