2 Коринфӧ 11:10 - Коми Библия 2023

¹⁰ Ме пытшкын Кристослӧн збыльыс. Та вӧсна верма шуны, мый менсьым ошйысьӧмӧс став Акайя пасьтала некод оз вермы мырддьынысӧ.

2 Коринфӧ 11:10 ပူးပေါင်းရင်းမြစ်များ

Ап. уджъяс 18:12

Кор Акайяын пуксис веськӧдлыны Галлион, иудейяс сёрнитчисны босьтны Павелӧс. Найӧ вайӧдісны Павелӧс ёрдӧ.

Ап. уджъяс 18:27

Кор Аполос мӧдӧдчис мунны Акайяӧ, вокъяс ышӧдісны сійӧс да гижисны сэтчӧс велӧдчысьяслы, медым сибӧдасны сійӧс. Акайяын Аполос ёна отсаліс налы, кодъяс Енлӧн буралӧм кузя пондісны эскыны.

Римӧ 1:9

Енмыс, кодлы ме став сьӧлӧмӧн кесъяла Сылӧн Пиыс йылысь Бур Юӧр висьталігӧн, тӧдӧ, мый кевмысигӧн ме век казьтывла тіянӧс.

Римӧ 16:5

Чолӧм тшӧтш на ордын чукӧртчысь эскысьяслы. Чолӧм менам муса Эпенетлы, Акайяын сійӧ медводдзаӧн эскис Кристослы.

Римӧ 9:1

Кристос водзын висьтала збыльсӧ, ог пӧръясь – менам сьӧлӧмӧй Вежа Ловкӧд ӧтвылысь вынсьӧдӧны менсьым висьталӧмӧс.

1 Коринфӧ 16:15

Вокъяс, ті тӧданныд, мый Степан да сылӧн гортсаыс лоины Акайяын медводдза эскысьясӧн. Найӧ сетісны асьнысӧ кесъявны вежа войтырлы. Кора тіянӧс:

2 Коринфӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд ми чолӧмалам тіянӧс, коринфса вичкоӧс, да Акайя пасьтала став вежа войтырӧс.

2 Коринфӧ 1:23

Ме висьтала Ен водзын, мый тіянӧс жалитӧм вӧсна ме ӧнӧдз эг волы Коринфӧ.

2 Коринфӧ 10:15

Ми огӧ ошйысьӧй этш тӧдтӧг, огӧ ошйысьӧй мукӧдлӧн уджъясӧн, но лача кутам, кор тіян эскӧмныд ёнмас, сэки миян уджыс ёнджыка на паськалас тіян пӧвстын.

2 Коринфӧ 11:12

Ме ог сет некутшӧм помка налы, кодъяс ошйысьӧны, мый найӧ кесъялӧны Енмыслы миян моз.

2 Коринфӧ 11:31

Енмыс, миян Господь Исус Кристослӧн Бать, тӧдӧ: ме ог пӧръясь. Ошкӧм Сылы нэмъяс чӧж!

2 Коринфӧ 12:19

Гашкӧ, чайтанныд, ми дорйысям тіян водзын? Огӧ! Ми сёрнитам Ен водзын кыдзи Кристослы кесъялысьяс. Мусаяс, ми ставсӧ тайӧс висьталам тіянӧс ёнмӧдӧм могысь.

2 Коринфӧ 9:2

Ме тӧда тіянлысь зільӧмнытӧ. Македонияса водзын ме ошйыси, мый ті, акайяса, дасьӧсь сетны отсӧг кольӧм восянь нин. Тіян сьӧлӧмсянь тӧждысьӧмныд унаӧс ышӧдіс та вылӧ.

Галатӧ 1:20

Ен водзын шуа: мый гижа тіянлы, ставыс тайӧ збыль.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

1 Фессалоникаӧ 2:10

Ті тӧданныд, и Енмыс тӧдӧ, мый тіян дінын, эскысьяс пӧвстын олігӧн, ми ставсӧ вӧчим веськыда да вежавидзӧмӧн, миянӧс нинӧмысь вӧлі мыждынысӧ.

1 Фессалоникаӧ 2:5

Ми некор эгӧ сёрнитлӧй мавтан кывъясӧн, ті тӧданныд тайӧс. Нинӧм эгӧ вӧчӧй горшасьӧмӧн, Ен тӧдӧ.

1 Тимофейлы 2:7

Та йылысь юӧртны сувтӧдіс менӧ Ен. Сійӧ индіс менӧ апостолӧн да ентӧдӧмъясӧс збыляс-эскӧмас велӧдысьӧн. Кристос водзын збыль висьтала, ог пӧръясь.