2 Коринфӧ 10:7 - Коми Библия 2023

⁷ Видзӧдлӧй ас выланыд: коді зумыда эскӧ, мый сійӧ Кристослӧн, мед тӧдӧ, мый ми тшӧтш Кристослӧн.

2 Коринфӧ 10:7 ပူးပေါင်းရင်းမြစ်များ

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Иоан 7:24

Энӧ мыждӧй чужӧм вылӧ видзӧдӧмӧн, а мыждӧй веськыда».

1 Коринфӧ 1:12

Ме сёрнита сы йылысь, мый тіян пӧвстысь кодкӧ шуӧ, ме пӧ Павеллӧн, мӧд шуӧ, ме пӧ Аполослӧн, коймӧд шуӧ, ме пӧ Кифалӧн, а нёльӧд шуӧ, ме пӧ Кристослӧн.

1 Коринфӧ 14:37

Коді лыддьӧ асьсӧ пророкӧн либӧ Лов серти олысьӧн, сійӧ мед тӧдӧ, мый тайӧ велӧдӧмыс – Господьлӧн тшӧктӧм.

1 Коринфӧ 15:23

Но быдӧн ас кадӧ ловзяс: медводз ловзис Кристос, сэсся Кристослӧн локтігас ловзяс Сылӧн войтырыс.

1 Коринфӧ 3:23

Ті – Кристослӧн, а Кристос – Енлӧн.

1 Коринфӧ 9:1

Ме ӧмӧй абу апостол? Ме ӧмӧй кӧртасьӧма мыйӧнкӧ? Ме ӧмӧй эг аддзыв Исус Кристосӧс, миянлысь Господьӧс? Ті – Господь пытшкынӧсь. Тайӧ ӧмӧй абу менам уджлӧн вотӧсыс?

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

2 Коринфӧ 11:18

Унаӧн ошйысьӧны тайӧ муюгыдас олысьяс моз, сідзкӧ, ме тшӧтш ошйыся.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 13:3

Ті кӧсъянныд тӧдны, збыльысь-ӧ Кристос сёрнитӧ ме пыр. Сійӧ абу вынтӧм тіян водзын, Ассьыс вынсӧ Сійӧ петкӧдлӧ тіян пӧвстын.

2 Коринфӧ 5:12

Ми огӧ кӧсйӧй выльысь петкӧдлыны асьнымӧс тіян водзын, сӧмын сетам тіянлы позянлун ошйысьны миянӧн, мед ті верминныд вочавидзны налы, коді ошйысьӧ мыйӧнкӧ ортсысанас, а оз пытшкӧссанас.

Галатӧ 3:29

Ті кӧ Кристослӧн, сідзкӧ, ті – Ӧвраамсянь чужысьяс да кӧсйысьӧмасӧ босьтысьяс.

1 Иоан 4:6

А ми Енсянь. Енсӧ тӧдысь кывзӧ миянӧс, а коді абу Енсянь, сійӧ оз кывзы миянӧс. Та серти тӧдам збыльыслысь ловсӧ да ылӧгыслысь ловсӧ.

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».