2 Коринфӧ 10:5 - Коми Библия 2023

⁵ да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

2 Коринфӧ 10:5 ပူးပေါင်းရင်းမြစ်များ

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Ӧксыяслӧн 4 небӧг 19:22

Кодӧс тэ омӧльтін? Кодӧс тэ лёкӧдін? Кодлы паныд тэ гӧлӧстӧ кыпӧдін? Код вылӧ ышнясьӧмӧн видзӧдін? Израильлӧн вежа Ен вылӧ!

Ӧксыяслӧн 4 небӧг 19:28

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Псалтыр 139:2

Господьӧй, мезды менӧ лёк йӧзысь, видз менӧ виалысь-дзескӧдысьясысь!

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Шусьӧгъяс 15:26

Лёк мортлысь мӧвпъяссӧ Господь зывӧктӧ, сӧстӧм мортлӧн кывъясыс Сылы шогманаӧсь.

Шусьӧгъяс 24:9

Вежӧртӧмлӧн кӧсйӧмыс – мыж, Енмӧс омӧльтысь – йӧзыслы зывӧк.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Еремей 23:29

Менам кывйӧй ӧд би кодь, – висьталӧ Господь, – сійӧ изкырта жуглысь ыджыд мӧлӧт кодь.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Езекиль 17:24

Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Лука 1:51

Сылӧн киыс вӧчис ыджыдсьыс-ыджыд уджъяс: ыкша сьӧлӧмаясӧс разӧдіс,

Римӧ 1:21

Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

Римӧ 7:23

но вир-яйысь ме аддза мӧдпӧлӧс индӧд. Сійӧ паныд сувтӧ пытшкӧсса индӧдлы да кӧрталӧ менӧ вир-яйын олысь мыжыслӧн индӧдӧн.

1 Коринфӧ 1:19

Гижӧма: «Мывкыда йӧзлысь мывкыдлунсӧ бырӧда, сюсь вежӧра йӧзлысь вежӧрлунсӧ ӧтдорта».

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

2 Коринфӧ 9:13

Тіянлысь бур вӧчӧмнытӧ аддзигӧн вежа войтыр кутас ошкыны Енсӧ, ӧд ті кывзысьӧмӧн оланныд Кристослӧн Евангелльӧ серти, мый йылысь восьсӧн висьтавланныд. Найӧ ошкӧны Енсӧ, ӧд ті лышкыда юксянныд накӧд, тшӧтш мукӧдыскӧд.

Индӧд 15:9

Видзчысь, сьӧлӧмад эн лэдз шогмытӧм мӧвп, мый сизимӧд воыс, уджйӧз киритан воыс, матыстчӧ нин, и та вӧсна гӧль вокыдлы нинӧм он сет. Тэ кӧ он ло бур сьӧлӧма сы дінӧ, сійӧ кутас норасьны тэ вылӧ Господьлы, и тэ вылын лоӧ [ыджыд] мыж.

Филипӧ 4:7

Сэки вежӧрӧ тӧртӧм Енлӧн лӧньлуныс видзас тіянлысь сьӧлӧмнытӧ да мӧвпъяснытӧ Исус Кристос пытшкын.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.