2 Коринфӧ 10:18 - Коми Библия 2023

¹⁸ Шогмана абу сійӧ, коді асьсӧ ошкӧ, а кодӧс ошкӧ Господь.

2 Коринфӧ 10:18 ပူးပေါင်းရင်းမြစ်များ

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.

Шусьӧгъяс 21:2

Быдӧн чайтӧ ассьыс туйсӧ веськыдӧн, но Господь тӧдмалӧ сьӧлӧмъяс.

Шусьӧгъяс 27:2

Тэнӧ мед ошкӧ мӧд, а он ачыд асьтӧ, мӧд вомсянь мед петӧ тэнӧ ошкӧмыс, а оз аслад вомсянь.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Иоан 12:43

Ӧд Енлӧн ошкӧм дорысь налы мусаджык вӧлі йӧзлӧн ошкӧмыс.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

Римӧ 16:10

Чолӧм Апелеслы. Сійӧ Кристос вӧсна уна сьӧкыд пыр муніс. Чолӧм Аристовуллӧн гортсалы.

Римӧ 2:29

Но иудейыд сійӧ, коді сьӧлӧмнас иудей. Вундыштӧм пассӧ пуктӧма сылы сьӧлӧмас абу Индӧд серти, сійӧс Лов пуктӧма. Татшӧмыслы ошкӧмыс лоӧ Енсянь, а оз мортсянь.

1 Коринфӧ 11:19

Дерт, колӧ, медым ті мӧвпалӧмнад торъялінныд, татшӧм ногӧн воссьӧ, коді тіян пиысь шогмана Енмыслы.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

2 Коринфӧ 10:12

Ми огӧ лысьтӧй орччӧдны асьнымӧс либӧ ӧткодявны асьнымӧс вывтіасьысьяскӧд. Найӧ видзӧдӧны сӧмын ас выланыс да донъялӧны асьнысӧ ас сертиныс. Тадзи вӧчигӧн найӧ петкӧдлӧны ассьыныс мывкыдтӧмлунсӧ.

2 Коринфӧ 13:7

Ми кевмам Енлы, медым ті энӧ вӧчӧй некутшӧм лёктор. Ми огӧ кевмӧй сы могысь, медым петкӧдлыны асьнымӧс сэтшӧмӧн, кутшӧмӧн колӧ лонысӧ, но кевмам, медым ті вӧчинныд бурсӧ весиг сэки, ми кӧ абу сэтшӧмӧсь, кутшӧмӧн колӧ лоны миянлы.

2 Коринфӧ 3:1

Гашкӧ, миянлы выльысь висьтавны ас йывсьыным? Гашкӧ, мукӧдыслы моз миянлы тшӧтш колӧ вайны тіянлы эскӧдан гижӧдсӧ? Гашкӧ, асьныд сійӧс сетанныд?

2 Коринфӧ 5:12

Ми огӧ кӧсйӧй выльысь петкӧдлыны асьнымӧс тіян водзын, сӧмын сетам тіянлы позянлун ошйысьны миянӧн, мед ті верминныд вочавидзны налы, коді ошйысьӧ мыйӧнкӧ ортсысанас, а оз пытшкӧссанас.

2 Коринфӧ 6:4

Мӧдарӧ, ми быдторйын петкӧдлам асьнымӧс Енлӧн кесъялысьясӧн: ми нуам сьӧкыдсӧ, шогсӧ, дзескӧдӧмсӧ. Ми зумыдӧсь,

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.