2 Коринфӧ 1:9 - Коми Библия 2023

⁹ Асьнымӧс лыддим нин кулӧмаясӧн, эз вӧв некутшӧм лача ас выланым, сӧмын Ен вылӧ, кулӧмаясӧс Ловзьӧдысь вылӧ.

2 Коринфӧ 1:9 ပူးပေါင်းရင်းမြစ်များ

Иов 40:14

Енмыслӧн став вӧчӧмторсьыс сійӧ медвына, сӧмын Вӧчысьыс вермӧ лэптыны сы вылӧ шыпуртсӧ.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Шусьӧгъяс 28:26

Ас вылас лача кутысь – вежӧртӧм, мывкыда олысь повтӧг ветлӧ.

Исай 38:10

Ме мӧвпышті: ме олі сӧмын джын нэмӧс на, но меным ковмас мунны пыдӧстӧминлӧн дзиръя пыр, менам эз нин кольны олан лунъясӧй.

Езекиль 33:13

Кор Ме шуа веськыда олысьлы, мый сійӧ кутас овны, но сылӧн лачанас лоӧ аслас веськыдлуныс, и сійӧ пондас вӧчны лёксӧ, сэки сылысь веськыдлунсӧ лоӧ вунӧдӧма. Аслас лёк вӧчӧм вӧсна сійӧ кулас.

Лука 18:9

Асьнысӧ веськыда олысьӧ пуктысьяслы да мукӧдӧс увтыртысьяслы Исус висьталіс татшӧм велӧданвисьт:

Римӧ 8:36

Гижӧма: «Тэ вӧсна быд лун миянӧс виалӧны, лыддьӧны начкыны дасьтӧм ыжъясӧн».

2 Коринфӧ 1:10

Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.

2 Коринфӧ 1:8

Вокъяс, ми кӧсъям, мед ті тӧдінныд, кутшӧм сьӧкыдлунъяс суисны миянӧс Асияын. Миянлы вӧлі сэтшӧм сьӧкыд, эгӧ чайтӧй весиг ловйӧн кольны.

2 Коринфӧ 3:5

Ми лыддям, мый асьным ми нинӧм вылӧ огӧ туйӧй, нинӧм огӧ сяммӧй вӧчнысӧ, но Енмыс сетӧ миянлы сямлунсӧ.

2 Коринфӧ 4:7

Тайӧ озырлунсӧ ми новлӧдлам ас пытшканым сёй дозъясын моз, медым петкӧдлыны, мый тайӧ ыджыдсьыс-ыджыд выныс Енмыслӧн, а абу миян.

Еврейяслы 11:19

Ӧвраам эскис, мый Енмыс вына ловзьӧдны весиг кулӧмысь. Дзик тадзи и артмис. Исаакӧс вӧлі бӧр сетӧма Ӧвраамлы, быттьӧ сійӧ ловзис кулӧмысь.