2 Каднебӧг 9:29 - Коми Библия 2023

²⁹ Соломон ӧксыалӧм дырйи мукӧд лоӧмторъяс йылысь водзысяньыс и помӧдзыс пасъялӧма Нафан пророклӧн гижӧдъясын, силомса Ахийлӧн пророкалан гижӧдъясын да Иддо нима тӧдысь-аддзысьлӧн восьтӧмъясын. Тайӧ восьтӧмъясыс вӧліны Неватлӧн Еровам пиыс йылысь.

2 Каднебӧг 9:29 ပူးပေါင်းရင်းမြစ်များ

Ӧксыяслӧн 2 небӧг 12:1

Господь мӧдӧдіс Нафан пророкӧс Давид дінӧ. Сійӧ локтіс да висьталіс ӧксылы татшӧмтор: «Ӧти карын олісны озыр да гӧль морт.

Ӧксыяслӧн 2 небӧг 12:25

Господь мӧдӧдіс Нафан пророкӧс, и Господьлӧн кыв серти сійӧ сетіс кагалы Едидий ним.

Ӧксыяслӧн 3 небӧг 1:8

Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор.

Ӧксыяслӧн 3 небӧг 11:26

Соломон ӧксылы паныд кыпӧдчис Неватлӧн Еровам пиыс, коді кесъяліс сы дінын. Еровам вӧлі Цереда карысь Ефрем чужанкотырысь. Дӧва мамсӧ шуисны Церуя.

Ӧксыяслӧн 3 небӧг 11:29

Ӧтчыд Ерусалимысь петігӧн Еровамлы туй вылас паныдасис Силомысь Ахий нима пророк. Пророк вылын вӧлі выль кышан. Найӧ вӧліны ӧтнанысӧсь.

Ӧксыяслӧн 3 небӧг 14:2

Еровам шуис гӧтырыслы: «Пасьтась сідзи, мед некод оз тӧд, мый тэ менам гӧтыр, да ветлы Силомӧ. Сэні олӧ Ахий нима пророк. Буретш сійӧ юӧртліс меным, мый ме лоа ӧксыӧн Израиль войтырлы.

1 Каднебӧг 29:29

Давид ӧксылӧн веськӧдлан кадӧ лоӧмторъяс йылысь водзысяньыс и помӧдзыс пасъялӧма Самуил пророклӧн, Нафан пророклӧн да Гад нима тӧдысь-аддзысьлӧн гижӧдъясын.

2 Каднебӧг 10:2

Та йылысь кывліс Неватлӧн Еровам пиыс. Соломон ӧксыысь пышйӧм бӧрын сійӧ оліс Египетын, а ӧні бӧр локтіс сэтысь.

2 Каднебӧг 12:15

Ровоам ӧксыалӧм дырйи лоӧмторъяс йылысь водзысяньыс и помӧдзыс гижӧма Шемай пророклӧн гижӧдъясӧ да Иддо нима тӧдысь-аддзысьлӧн чужанвуж небӧгӧ. Ровоам да Еровам костын пыр муніс тыш.

2 Каднебӧг 13:22

Авийлысь олӧмсӧ, сылысь уджъяссӧ да кывъяссӧ гижӧма Иддо пророклӧн гижӧдын.