2 Каднебӧг 36:14 - Коми Библия 2023

¹⁴ Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

2 Каднебӧг 36:14 ပူးပေါင်းရင်းမြစ်များ

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:9

Иуда войтырӧс да Ерусалимын олысьясӧс Манассей кежӧдіс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

2 Каднебӧг 34:24

мый Господь тадзи висьталӧ: Ме ыста ыджыд шог тайӧ карыс да сэні олысьяс вылӧ. Ме олӧмӧ пӧрта став ёрӧмсӧ, мый гижӧма сійӧ небӧгас, кодӧс ті лыддинныд иудаса ӧксылы.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

2 Каднебӧг 36:15

Господь, налӧн батьяслӧн Ен, выльысь и выльысь мӧдӧдліс на дінӧ юӧртысьясӧс, ӧд Сійӧ жалитіс Ассьыс войтырсӧ да Ассьыс оланінсӧ.

Ездра 9:7

Батьяслӧн кадсянь и ӧнӧдз миян вылын куйлӧ ыджыд мыж. Асланым мыжъяс вӧсна ми асьным, миян ӧксыяс и попъяс шедім мукӧд войтырлӧн ӧксыяс киӧ да шыпурт улӧ. Найӧ нуӧдісны миянӧс пленӧ, мырддялісны эмбурнымӧс да янӧдісны миянӧс. Тадзи найӧ вӧчӧны весиг талун.

Еремей 32:34

Сійӧ керкаас, мый сиӧма Менам нимлы, найӧ сувтӧдісны ассьыныс зывӧк идолъяснысӧ да пежалісны тайӧ керкасӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Езекиль 11:12

Сэки ті тӧдмаланныд, мый Ме – Господь. Ті ӧд энӧ олӧй Менам индӧд-тшӧктӧмъяс серти, а олінныд тіян гӧгӧр олысь войтыръяслӧн индӧдъяс серти».

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Даниил 9:6

Ми эгӧ кывзӧй Тэныд кесъялысь пророкъясӧс, кодъяс шыасьлісны Тэнад нимӧн миян ӧксыяс дінӧ, юралысь-веськӧдлысьяс дінӧ, миян батьяс дінӧ да миян муын олысь став войтырыс дінӧ.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.

Левит 19:30

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Индӧд 18:9

«Кор ті локтанныд сійӧ муас, мый Господь, тіян Енныд, сетас тіянлы, сэтчӧс войтыръяс моз зывӧксӧ энӧ вӧчӧй.