2 Каднебӧг 35:7 - Коми Библия 2023

⁷ Аслас пемӧс чукӧрысь Иосей ӧксы сетіс войтырыслы ыджыдлунся вись пыдди комын сюрс баляӧс да кӧзапиӧс, аслас овмӧсысь сетіс тшӧтш налы вись пыдди куим сюрс ӧшкӧс.

2 Каднебӧг 35:7 ပူးပေါင်းရင်းမြစ်များ

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

1 Каднебӧг 29:3

Менам Енлӧн крамыс меным муса, та вӧсна Енлысь крамсӧ лэптӧм могысь ме сета аслам озырлунысь зарни да эзысь. Сыысь кындзи, мый ме дасьті нин вежа керка лэптӧм вылӧ, ме сета

2 Каднебӧг 30:24

Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ.

2 Каднебӧг 31:3

Ӧксы сетіс аслас овмӧсысь пемӧсъясӧс, медым Господьлӧн Индӧд серти вайны сотан висьяс асывнас и рытнас, шойччан лунӧ, выль тӧлысь чужигӧн да гажӧдчан лунъясӧ.

2 Каднебӧг 35:6

Вежӧдӧй-сӧстӧммӧдӧй асьнытӧ, начкӧй ыджыдлунся баляӧс да дасьтӧй сійӧс асланыд войтырлы. Ставсӧ вӧчӧй сідзи, кыдзи Господь тшӧктіс Мӧисей пыр».

2 Каднебӧг 35:8

Ӧксылӧн киподувса юралысьяс ас кӧсйӧм сертиныс сетісны войтырыслы, попъяслы да левитъяслы козинъяс. Тайӧ юралысьясыс пӧвстысь Хилки, Закар да Ехиэл – Енлӧн крамын веськӧдлысьяс – сетісны попъяслы ыджыдлунся вись пыдди кык сюрс квайтсё баляӧс да кӧзапиӧс и куимсё ӧшкӧс,

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Езекиль 36:38

Кыдзи гажӧдчан лунъясӧ Ерусалим кар тырӧма вись пыдди ваян ыжъясӧн, сідзи киссьӧм каръяс тырасны йӧзӧн. Сэки найӧ тӧдмаласны, мый Ме – Господь».

Езекиль 45:17

Ӧд Израиль войтырлӧн вежа гажӧдчан лунъяс дырйи, выль тӧлысь чужигӧн да шойччан лунъяс дырйи ӧксы кывкутӧ сотан вись, нянь вись да вина вись вайӧм вӧсна. Сійӧ мед ваяс мыжысь вись да нянь вись, сотан да бурасян висьяс, медым вештыны Израиль войтырлысь мыжсӧ».