2 Каднебӧг 35:6 - Коми Библия 2023

⁶ Вежӧдӧй-сӧстӧммӧдӧй асьнытӧ, начкӧй ыджыдлунся баляӧс да дасьтӧй сійӧс асланыд войтырлы. Ставсӧ вӧчӧй сідзи, кыдзи Господь тшӧктіс Мӧисей пыр».

2 Каднебӧг 35:6 ပူးပေါင်းရင်းမြစ်များ

Олӧм 35:2

Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

2 Каднебӧг 29:15

Найӧ чукӧртісны вокъяснысӧ, вежӧдісны-сӧстӧммӧдісны асьнысӧ да ӧксылӧн тшӧктӧм серти мунісны весавны-сӧстӧммӧдны Господьлысь крамсӧ, кыдзи тшӧктіс вӧчны Господь.

2 Каднебӧг 29:34

Но попъяс вӧліны этшаӧнӧсь, и найӧ эз удитны кульны сотан вись пыдди вайӧм пемӧсъяслысь кучиксӧ. Налӧн левит вокъясыс отсасисны налы, кытчӧдз эз помась тайӧ уджыс да кытчӧдз мукӧд попъяс эз вежӧдны-сӧстӧммӧдны асьнысӧ. Ӧд левитъяс, кодъяс вӧлі вежӧдӧмаӧсь-сӧстӧммӧдӧмаӧсь нин асьнысӧ, попъяс дорысь вӧліны унджыкӧнӧсь.

2 Каднебӧг 29:5

Сэсся шуис налы: «Левитъяс, кывзӧй менӧ! Ӧні вежӧдӧй-сӧстӧммӧдӧй асьнытӧ да вежӧдӧй тіян батьяслӧн Господь Енлысь крамсӧ. Шыбитӧй вежаинысь став пежсӧ.

2 Каднебӧг 30:3

Найӧ эз вермыны пасйыны Ыджыд лунсӧ колана кадӧ, ӧд эз на вӧвны тырмымӧн попъяс, кодъяс эськӧ вӧлі вежӧдӧмаӧсь-сӧстӧммӧдӧмаӧсь нин асьнысӧ, и войтырыс абу на вӧлі чукӧртчӧма Ерусалимӧ.

2 Каднебӧг 35:1

Ерусалимын Иосей пасйис Господьлы сиӧм Ыджыд лун. Медводдза тӧлысьлӧн дас нёльӧд лунӧ начкисны ыджыдлунся баляӧс.

2 Каднебӧг 35:11

Левитъяс начкисны ыджыдлунся баляясӧс, кулисны налысь кучиксӧ, а вирсӧ сетісны попъяслы. Тайӧ вирнас попъяс резісны висьпуктанінсӧ.

2 Каднебӧг 35:7

Аслас пемӧс чукӧрысь Иосей ӧксы сетіс войтырыслы ыджыдлунся вись пыдди комын сюрс баляӧс да кӧзапиӧс, аслас овмӧсысь сетіс тшӧтш налы вись пыдди куим сюрс ӧшкӧс.

2 Каднебӧг 5:11

Быд котырысь крамӧ локтӧм попъяс вӧлі вежӧдӧмаӧсь-сӧстӧммӧдӧмаӧсь асьнысӧ. Кор попъяс петісны вежаинысь,

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Петӧм 12:6

Тайӧ тӧлысьнас дас нёльӧд лунӧдзыс видзӧй балясӧ ас орданыд. Рытнас став Израиль войтыр мед начкас балянысӧ.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 19:15

Мӧисей шуис войтырыслы: «Дасьтысьӧй коймӧд лун кежлӧ, гӧтырныдкӧд энӧ узьӧй».

Йоиль 2:16

Чукӧртӧй войтырӧс, вежӧдӧй чукӧртчӧмаясӧс, корӧй пӧрысьясӧс, вайӧдӧй челядьӧс, вайӧй пузчужӧм кагаясӧс. Верӧспу мед эновтас узьлан жырсӧ, гӧтырпу мед петас аслас шойччан вежӧсысь.