2 Каднебӧг 35:3 - Коми Библия 2023

³ Господьлы вежӧдӧм-торйӧдӧм левитъяслы, Израиль войтырӧс туйдӧдысьяслы, Иосей шуис: «Тіянлы оз нин ков новлӧдлыны пельпом выланыд вежа кудсӧ, ӧд сійӧс сувтӧдӧма крамӧ, мый лэптіс Давидлӧн Соломон пиыс, израильса ӧксы. Ӧні кесъялӧй Господьлы, асланыд Енлы, да Сылӧн Израиль войтырлы.

2 Каднебӧг 35:3 ပူးပေါင်းရင်းမြစ်များ

1 Каднебӧг 23:26

Левитъяслы оз нин ков новлӧдлыны вежа чом да сэні кесъялан дозмук-кӧлуй».

2 Каднебӧг 17:7

Аслас коймӧд ӧксыалан воӧ Иосафат мӧдӧдіс ассьыс чина йӧзсӧ – Бен-Хаилӧс, Авдийӧс, Закарӧс, Нафанаилӧс да Микайӧс, медым Иуда каръясын найӧ велӧдісны войтырсӧ.

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

2 Каднебӧг 34:14

Кор Господьлӧн крамысь босьтісны сэтчӧ вайӧм сьӧмсӧ, Хилки поп аддзис сэтысь Господьлысь Индӧд небӧг, кодӧс вӧлі сетӧма Мӧисей пыр.

2 Каднебӧг 5:7

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

2 Каднебӧг 8:11

Фараонлысь нывсӧ Соломон вуджӧдіс Давид карысь сылы вӧчӧдӧм керкаӧ. Соломон шуис: «Менам гӧтырӧйлы оз позь овны израильса Давид ӧксы керкаын. Тайӧ керкаыс вежа, ӧд татчӧ коркӧ вайлісны Господьлысь Йитӧд кудсӧ».

Петӧм 32:29

Мӧисей шуис Левий пиянлы: «Талун сетӧй асьнытӧ кесъявны Господьлы, медым Сійӧ бурсиас тіянӧс. Ӧд ті вештінныд дон – быдӧн тіян пиысь виис писӧ да воксӧ».

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Лыд 8:19

да сета найӧс Ааронлы да сылӧн пияныслы. Левитъяс мед кесъяласны вежа чомйын Израиль пиян пыдди налысь мыжсӧ вештӧм могысь. Тадзи вежа чом дорӧ матыстчиганыс Израиль пиянӧс оз су бырӧдӧмыс».

2 Коринфӧ 4:5

Ми огӧ ас йылысь висьтавлӧй, а висьтавлам Исус Кристос йылысь, мый Сійӧ – Господь. Сійӧ мӧдӧдіс миянӧс кесъявны тіянлы.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.