2 Каднебӧг 34:31 - Коми Библия 2023

³¹ Сэсся ӧксы сувтіс аслас местаӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ.

2 Каднебӧг 34:31 ပူးပေါင်းရင်းမြစ်များ

Ӧксыяслӧн 4 небӧг 11:14

Сэні аддзис, мый джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис да тутсіс трубаясӧ. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

Ӧксыяслӧн 4 небӧг 11:17

Иодай поп кӧрталіс Господь, ӧксы да войтырыс костын йитӧд сы йылысь, мый найӧ – Господьлӧн войтыр. Нӧшта кӧрталіс торъя йитӧд ӧксы да войтырыс костын.

Ӧксыяслӧн 4 небӧг 11:4

Квайт во мысти Иодай поп корис Господьлӧн крамӧ тышкайӧзӧн веськӧдлысьясӧс, кодъяслӧн кипод улын вӧліны ӧксыӧс видзысьяс. Сэні Иодай кӧрталіс веськӧдлысьяскӧд йитӧд да тшӧктіс налы кыв сетны, мый кутасны кывзысьны. Сэсся петкӧдліс налы ӧксылысь писӧ

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

2 Каднебӧг 15:12

Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс

2 Каднебӧг 15:15

Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм.

2 Каднебӧг 23:16

Иодай поп кӧрталіс став войтырыскӧд да ӧксыкӧд йитӧд сы йылысь, мый найӧ – Господьлӧн войтыр.

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

2 Каднебӧг 30:16

Попъяс сулалісны асланыс местаын Енлӧн морт Мӧисейлӧн Индӧд серти. Найӧ босьтісны левитъяслӧн киысь висьяслысь вирсӧ да резісны вирнас.

2 Каднебӧг 31:21

Мыйӧ сійӧ босьтчыліс Енлӧн крамын кесъялӧм могысь, Индӧд да тшӧктӧмъяс збыльмӧдӧм могысь, ставсӧ вӧчис Енсӧ сьӧлӧмсяньыс корсьӧмӧн. Та вӧсна сылӧн ставыс артмис.

2 Каднебӧг 34:32

Ӧксы тшӧктіс ставныслы, кодъяс вӧліны Ерусалимын, тшӧтш Венямин чужанкотырлы, вынсьӧдны йитӧдсӧ. Ерусалимын олысьяс пондісны овны йитӧд серти, мый налӧн батьяслӧн Ен кӧрталіс накӧд.

2 Каднебӧг 6:13

Крам йӧр шӧрас Соломонлӧн тшӧктӧм серти вӧлі вӧчӧма ыргӧн содъя пос да пуктӧма крам йӧр шӧрас. Сылӧн кузьта-пасьтаыс вӧлі вит гырддза, а судтаыс вӧлі куим гырддза. Соломон кайис сэтчӧ да Израиль войтыр водзын сувтіс пидзӧс вылас. Кисӧ енэжлань кыпӧдӧмӧн

Ездра 10:3

Ми кӧрталам йитӧд асланым Енкӧд да кӧсйысям ыстыны ас дінысь гӧтыръяснымӧс ныв-пиныскӧд. Вӧчам тайӧс, ыджыдӧй, тэнсьыд кывзысьӧмӧн да миян Енлысь тшӧктӧмъяссӧ пыдди пуктысьяслысь кывзысьӧмӧн. Мед ставыс лоӧ Индӧд серти.

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

Неемий 10:30

Шуисны: «Ассьыным нывъяснымӧс огӧ сетӧй верӧс сайӧ мукӧд войтыръяслы и налысь нывъяснысӧ огӧ босьтӧй асланым пиянлы гӧтырӧ.

Неемий 9:38

Та вӧсна ми лӧсьӧдім кӧсйысяна гижӧд. Гижӧд улас миян юралысьяс, левитъяс да попъяс пуктісны ассьыныс пас.

Еремей 50:5

Найӧ пондасны корсьны Сионӧ мунан туй, сылань чужӧмнысӧ бергӧдӧмӧн найӧ шуасны: «Мунамӧй Господь дінӧ, огӧ вунӧдӧй пыр кежлӧ кӧрталӧм йитӧдсӧ».

Езекиль 46:2

Ӧксылы колӧ пырны посводзӧд тайӧ пыранінас да сувтны ӧдзӧс курич дорӧ. Попъяс мед ваясны ӧксылысь сотан да бурасян висьяссӧ. Пыранін тагӧс дорын ӧксы мед копыртчылас Господьлы да бӧр петас. Пыраніныс рытӧдзыс мед лоӧ восьса.

Индӧд 13:4

Асланыд Господь Ен бӧрся мунӧй да Сыысь полӧй. Сылӧн тшӧктӧмъяс серти олӧй, Сылысь кывзысьӧй, Сылы кесъялӧй да Сы дінӧ кутчысьӧй.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 29:1

Моав муын Господь тшӧктіс Мӧисейлы содтыны тайӧ кывъяссӧ сійӧ йитӧд дорас, мый Господь кӧрталіс Израиль пиянкӧд Хорив керӧсын.

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Нав Исус 24:25

Сійӧ лунӧ Господь нимсянь Исус кӧрталіс войтыркӧд йитӧд. Сэні, Сикемын [Господьлӧн, Израиль Енлӧн, вежа чом водзын] сійӧ сетіс налы индӧд-тшӧктӧмъяс.