2 Каднебӧг 34:25 - Коми Библия 2023

²⁵ Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй киссяс тайӧ карыс вылӧ да оз куслы”.

2 Каднебӧг 34:25 ပူးပေါင်းရင်းမြစ်များ

Ӧксыяслӧн 4 небӧг 22:17

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй ыпъялӧ тайӧ карыс вылӧ да оз куслы”.

2 Каднебӧг 12:2

Найӧ эновтісны Господьӧс, та вӧсна Ровоам ӧксылӧн витӧд веськӧдлан воӧ египетса Шишак ӧксы аслас тышкайӧзкӧд уськӧдчис Ерусалим кар вылӧ.

2 Каднебӧг 12:7

Кор Господь аддзис налысь раммӧдчӧмсӧ, Шемайлы вӧлі Господьсянь кыв: «Найӧ раммӧдчисны, та вӧсна Ме ог бырӧд найӧс, регыд мезда найӧс. Шишак ки отсӧгӧн Менам скӧрлунӧй оз бырӧд Ерусалим кар.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 24:18

Найӧ эновтісны Господьлысь крамсӧ, асланыс батьяслӧн Енлысь крамсӧ, да пондісны юрбитны пуяслы да идолъяслы. Тайӧ мыжсьыс Иудаын да Ерусалимын олысьяс вылӧ киссис Енлӧн скӧрлуныс.

2 Каднебӧг 34:26

Иудаса ӧксылы, коді ыстіс тіянӧс шыасьны Господь дінӧ, висьталӧй, мый Господь, Израильлӧн Ен, сійӧ кывъясыс йылысь, мый тэ кывлін, тадзи висьталӧ:

Ездра 5:12

Но миян батьяс скӧрмӧдісны енэжвывса Енмӧс, и Сійӧ сетіс найӧс калдеяса Навукодоносорлӧн, вавилонса ӧксылӧн, киӧ. Навукодоносор жугӧдіс крамсӧ, а войтырсӧ нуӧдіс Вавилонӧ.

Исай 42:25

Та вӧсна Господь кисьтіс на вылӧ Ассьыс скӧрлунсӧ да ярлунсӧ – пансис чорыд тыш. Тайӧ биыс чишкаліс найӧс быд боксянь, но найӧ эз гӧгӧрвоны тайӧс, биыс сотіс найӧс, но найӧ нинӧмӧ эз велавны.

Еремей 22:9

Налы вочавидзасны: «Господь тадзи вӧчис сы вӧсна, мый тайӧ карас олысьяс вунӧдісны асланыс Господь Енлысь Йитӧдсӧ, мый Сійӧ кӧрталіс накӧд, копрасисны мукӧд енъяслы да кесъялісны налы».

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Бӧрданкыв 2:4

Паныд сувтысь моз Сійӧ зэвтіс Ассьыс ньӧввужсӧ, мустӧмтысь моз веськӧдіс мелань кисӧ. Сійӧ виис-бырӧдіс ставсӧ, мый долыдмӧдӧ синтӧ. Биӧс моз Сійӧ кисьтіс Ассьыс скӧрлунсӧ Сион нывлӧн оланін вылӧ.

Бӧрданкыв 4:11

Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Езекиль 20:48

Сэки быдӧн аддзас, мый Ме, Господь, ӧзті би, и сійӧ оз кус».

Езекиль 36:18

Ме кисьті на вылӧ скӧрлунӧс сыысь, мый найӧ кисьтісны вир тайӧ му вылас да пежалісны сійӧс асланыс идолъясӧн.

Амос 5:6

Корсьӧй Господьӧс, и ловйӧн колянныд. Онӧ кӧ корсьӧй, Сійӧ биӧн уськӧдчас Ӧсиплӧн рӧд вылӧ, и биыс ньылыштас ставсӧ, сотчас Вефиль – и сійӧс кусӧдысьыс оз ло.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.