2 Каднебӧг 33:9 - Коми Библия 2023

⁹ Иуда войтырӧс да Ерусалимын олысьясӧс Манассей кежӧдіс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

2 Каднебӧг 33:9 ပူးပေါင်းရင်းမြစ်များ

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 3 небӧг 15:26

Надав вӧчис Господь водзын шогмытӧмсӧ, ветліс батьыслӧн туйӧд да сы моз вӧчис мыж. Аслас мыж вӧчӧмнас сылӧн батьыс коркӧ кежӧдіс Израиль войтырӧс мыжас.

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Ӧксыяслӧн 4 небӧг 23:26

Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс.

2 Каднебӧг 28:19

Тадзи Господь раммӧдіс Иуда войтырӧс Ахаз ӧксы вӧсна, ӧд Ахаз эновтіс Господьӧс да лёкас кыскис ассьыс войтырсӧ.

2 Каднебӧг 33:10

Господь ӧлӧдліс Манассейӧс да Ассьыс войтырсӧ, но найӧ эз кывзыны Сійӧс.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:8

Израиль войтыр кӧ кутас овны сы серти, мый Ме тшӧкті налы, Мӧисей пыр сетӧм индӧд-тшӧктӧмъяс серти, Ме ог вӧтлы найӧс сійӧ мусьыс, мый Ме сеті налӧн батьяслы».

Шусьӧгъяс 29:12

Юралысь кӧ кывзӧ ылӧг сёрнияс, сылӧн кесъялысьясыс лёксӧ вӧчны кутасны.

Езекиль 5:7

Та вӧсна Господь Ыджыдыс тадзи висьталӧ: тіян гӧгӧр олысь войтыръяс дорысь ті ёна асныраӧсь, ӧд Менсьым тшӧктӧмъясӧс вештінныд бокӧ, Менам индӧдъяс серти онӧ олӧй, весиг тіян гӧгӧр олысь войтыръяслӧн индӧдъяс серти онӧ олӧй.

Левит 18:24

Тадзи вӧчӧмнаныд асьнытӧ энӧ пежалӧй, ӧд тадзи вӧчигӧн асьнысӧ пежалісны войтыръяс, кодъясӧс Ме вӧтла тіян водзысь.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Индӧд 2:21

Тайӧ вӧлі уна лыда войтыр, найӧ вӧліны Енаксянь чужысьяс кодь ёнӧсь да ыджыд тушааӧсь, но Господь бырӧдіс найӧс аммон войтыр водзысь. Аммон войтыр вӧтліс найӧс да овмӧдчис налӧн муӧ.

Нав Исус 24:8

Сэтысь Ме вайӧді тіянӧс аморейяслӧн муӧ, Йӧрдан ю сайӧ. Найӧ уськӧдчисны тіян вылӧ, но Ме сеті найӧс тіян киӧ. Ме бырӧді найӧс тіян водзысь, и ті босьтінныд налысь мусӧ.