2 Каднебӧг 33:19 - Коми Библия 2023

¹⁹ Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 33:19 ပူးပေါင်းရင်းမြစ်များ

2 Каднебӧг 30:11

Сӧмын Асирлӧн, Манассейлӧн да Завулонлӧн чужанкотырысь кодсюрӧ раммӧдчисны да локтісны Ерусалимӧ.

2 Каднебӧг 33:20

Манассей куліс да вуджис батьясыс дінӧ. Сійӧс дзебисны аслас керка йӧрӧ. Манассей бӧрти ӧксыӧ пуксис сылӧн Амон пиыс.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

2 Каднебӧг 36:12

Сійӧ вӧчис аслас Господь Ен водзын шогмытӧмсӧ. Сійӧ весиг эз раммӧдчы Еремей пророк водзын, коді сёрнитіс Господьсянь.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Еремей 44:10

Ӧнӧдз ті энӧ раммӧдчӧй. Ті онӧ полӧй да онӧ олӧй Менам Индӧд да тшӧктӧмъяс серти, мый Ме сеті тіянлы да тіян батьяслы.

Бӧрданкыв 3:56

Кыв менсьым гӧлӧс шыӧс, эн тупкы пельтӧ менам ойзӧмысь да кевмӧмысь.

Даниил 5:22

Тэ, Валтасар, Навукодоносорлӧн пиыс, тӧдін ставсӧ тайӧс, но тэ эн раммӧдчы.

Ап. уджъяс 9:11

Господь шуис сылы: «Чеччы да мун Веськыд нима туй вылӧ. Юав Иуда керкаысь Тарсын чужлӧм Савл нима мортӧс. Ӧні сійӧ кевмысьӧ.

Римӧ 5:16

Буралӧмсӧ оз позь ӧткодявны ӧти мортлӧн мыж вӧчӧмкӧд. Ӧд ӧтилӧн мыж вӧчӧм вӧсна локтіс мыждӧм, а буралӧмсӧ сетӧма, медым уна мыжа йӧзӧс вӧчны веськыдӧн.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.