2 Каднебӧг 33:16 - Коми Библия 2023

¹⁶ Сійӧ дзоньталіс Господьлысь висьпуктанінсӧ да вайис сэні бурасян да аттьӧалана висьяс. Сійӧ тшӧктіс Иуда войтырлы юрбитны Господьлы, Израильлӧн Енлы.

2 Каднебӧг 33:16 ပူးပေါင်းရင်းမြစ်များ

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Ӧксыяслӧн 3 небӧг 18:30

Илля корис Израиль войтырӧс матыстчыны ас дінас. Ставныс матыстчисны. Илля кутіс тэчны Господьлысь жуглӧм висьпуктанінсӧ.

2 Каднебӧг 14:3

Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

2 Каднебӧг 14:4

Сійӧ тшӧктіс Иуда войтырлы корсьны Господьӧс, асланыс батьяслысь Енсӧ, да вӧчны Сылӧн Индӧдыс да тшӧктӧмъясыс серти.

2 Каднебӧг 29:18

Сэсся попъяс да левитъяс мунісны Езекей ӧксы дінӧ да шуисны: «Ми весалім-сӧстӧммӧдім Господьлысь крамсӧ, сотан висьлы висьпуктанінсӧ, вежа няньлы пызансӧ да став дозмук-кӧлуйсӧ.

2 Каднебӧг 29:31

Сэсся Езекей шуис: «Ӧні ті сиинныд асьнытӧ Господьлы. Локтӧй да вайӧй Господьлӧн крамӧ висьяс да аттьӧалӧм могысь вайӧмторъяс». Сэки чукӧртчӧм войтырыс вайис висьяс да вайӧмторъяс. И быдӧн, коді кӧсйис, вайис тшӧтш сотан вись.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

2 Каднебӧг 33:9

Иуда войтырӧс да Ерусалимын олысьясӧс Манассей кежӧдіс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

Лука 22:32

Но Ме кевмыси тэ вӧсна, медым эскӧмыд эз быр. Кор тэ бергӧдчан бӧр, ёнмӧд вокъястӧ».