2 Каднебӧг 32:27 - Коми Библия 2023

²⁷ Езекей вӧлі зэв озыр, сійӧ ёна нималіс. Сійӧ вӧчис видзанінъяс, медым пуктавны сэтчӧ эзысь, зарни, дона изъяс, чӧскыд ӧвтанторъяс, сайӧдъяс да дона дозмук-кӧлуй.

2 Каднебӧг 32:27 ပူးပေါင်းရင်းမြစ်များ

Ӧксыяслӧн 4 небӧг 20:13

Локтысьясӧс кывзӧм бӧрын Езекей петкӧдліс налы ассьыс озырлун видзанінъяссӧ да ставсӧ, мый сэні вӧлі: эзысь-зарни, чӧскыд ӧвтанторъяс да дона мавтасъяс. Нӧшта петкӧдліс шыпурт видзанінсӧ. Ӧксы керкаысь да аслас муысь Езекей петкӧдліс налы став озырлунсӧ.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

2 Каднебӧг 1:12

Ме сета тэныд мывкыдлун да вежӧр, а озырлунсӧ, овмӧс-эмбурсӧ да нималӧмсӧ Ме сета тэныд сы мында, мыйта эз на вӧв тэӧдз и оз ло тэ бӧрти веськӧдлысь ӧксыяслӧн».

2 Каднебӧг 17:5

Господь ёнмӧдіс сылысь юралӧмсӧ. Иуда войтыр вайисны Иосафатлы козинъяс. Иосафатлӧн вӧлі уна озырлун, сійӧ ёна нималіс.

2 Каднебӧг 32:26

Но Езекей раммӧдчис, Ерусалимын олысьяс тшӧтш раммӧдчисны, и Езекейлӧн олан кадӧ Господьлӧн скӧрлуныс эз су найӧс.

2 Каднебӧг 32:28

Вӧчис тшӧтш нянь, вина да олив вый видзанінъяс, сідзжӧ ыж-мӧслы лэбувъяс да йӧръяс.

2 Каднебӧг 9:27

Соломон ӧксы дырйи Ерусалимын [зарниыс да] эзысьыс вӧлі из мында, а сус пуыс вӧлі сы мында, мыйта вӧлі керӧсбердса муын быдмысь инжир пуыс.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Ӧксыяслӧн 1 небӧг 2:7

Господь гӧльмӧдӧ и озырмӧдӧ, улӧ пуктӧ и вылӧ кыпӧдӧ.