2 Каднебӧг 31:15 - Коми Библия 2023

¹⁵ Попъяслӧн олан каръясын Коре веськӧдлӧм улын уджалісны-кесъялісны Эден, Минямин, Исус, Шемай, Амарей да Шеканий. Найӧ пӧръясьтӧг юклісны вайӧмторъяссӧ асланыс вокъяслы котыръяс серти – пӧрысьлы и томлы.

2 Каднебӧг 31:15 ပူးပေါင်းရင်းမြစ်များ

1 Каднебӧг 24:31

Найӧ тшӧтш пудъясисны, кыдзи пудъясисны Ааронлӧн рӧдысь налӧн вокъясныс. Аарон рӧдысь вокъясныс моз найӧ пудъясисны Давид, Садок да Ахимелек дырйи, тшӧтш попъяслӧн да левитъяслӧн рӧдкутысьяс дырйи. Рӧдкутысьяс йылысь да налӧн ичӧтджык вокъясныс йылысь пудъясисны ӧтмоза.

1 Каднебӧг 25:8

Найӧ пудъясисны, кодлы кор кесъявны. Ыджыдджыкъяс и томджыкъяс, велӧдысьяс и велӧдчысьяс пудъясисны ӧтмоза.

1 Каднебӧг 9:22

Кыксё дас кык мортӧс вӧлі бӧрйӧма видзны вежаинлысь пыранінсӧ. Найӧс вӧлі лыддьӧдлӧма чужанвуж гижӧдын сиктъясныс серти. Давид да Самуил пророк индісны найӧс тайӧ кывкутана уджыс вылӧ,

2 Каднебӧг 29:12

Сэки сувтісны левитъяс: Кааф рӧдысь Амасайлӧн Махат пиыс да Азарийлӧн Йоиль пиыс, Мерари рӧдысь Авдилӧн Кис пиыс да Егаллеллӧн Азарий пиыс, Гирсон рӧдысь Зиммалӧн Йоах пиыс да Йоахлӧн Эден пиыс,

2 Каднебӧг 31:13

Езекей ӧксылӧн да Енлӧн крамӧн веськӧдлысь Азарийлӧн индӧм серти Конанийлӧн да Шимейлӧн веськӧдлӧм улын вайӧмторъяссӧ видзисны Ехиэл, Азазий, Нахат, Асаил, Еримот, Иозавад, Элиэл, Исмакий, Махат да Бенай.

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.