2 Каднебӧг 29:32 - Коми Библия 2023

³² Чукӧртчӧм войтырыс вайис Господьлы сотан вись пыдди сизимдас ӧшкӧс, сё межӧс да кыксё баляӧс.

2 Каднебӧг 29:32 ပူးပေါင်းရင်းမြစ်များ

Ӧксыяслӧн 3 небӧг 3:4

Ӧтчыд Соломон муніс Гаваонӧ, мед вись вайны. Буретш сэні сулаліс медшӧр вись ваян мылькйыс. Сэні висьпуктанін вылын Соломон вайис сюрс мында сотан вись.

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

1 Каднебӧг 29:21

Мӧд луннас вайисны Господьлы сотан да мукӧд висьяс: сюрс ӧшкӧс, сюрс межӧс да сюрс ыжӧс. Нӧшта вайисны вина висьяс да став Израиль вӧсна уна мукӧд вись.

2 Каднебӧг 29:31

Сэсся Езекей шуис: «Ӧні ті сиинныд асьнытӧ Господьлы. Локтӧй да вайӧй Господьлӧн крамӧ висьяс да аттьӧалӧм могысь вайӧмторъяс». Сэки чукӧртчӧм войтырыс вайис висьяс да вайӧмторъяс. И быдӧн, коді кӧсйис, вайис тшӧтш сотан вись.

2 Каднебӧг 29:33

Ставнас вежа вись пыдди вайисны квайтсё ӧшкӧс да куим сюрс ыж-кӧзаӧс.

2 Каднебӧг 29:35

Сотан висьяс кындзи колӧ вӧлі сотны бурасян вись пыдди вайӧм пемӧсъяслысь госсӧ и сотан виськӧд ӧтвыв вайны вина вись. Тадзи вӧлі выльысь лӧсьӧдӧма Господьлӧн крамын кесъялӧмсӧ.

2 Каднебӧг 30:15

Мӧд тӧлысьлӧн дас нёльӧд лунӧ начкисны ыджыдлунся баляясӧс. Попъяслы да левитъяслы яндзим вӧлі, мый ас кадӧ найӧ эз вежӧдны-сӧстӧммӧдны асьнысӧ, та вӧсна ӧні тайӧс вӧчисны. Сэсся найӧ вайисны Господьлӧн крамӧ сотан висьяс.

Ездра 6:17

Крам вежӧдӧм дырйи вись пыдди вайисны сё ӧшкӧс, кыксё межӧс да нёльсё баляӧс. Израильлӧн мыжъяс вӧсна вайисны вись пыдди дас кык кӧзаӧс – чужанкотыръяслӧн лыд серти.

Левит 1:1

Господь шыасис Мӧисей дінӧ вежа чомсянь да тшӧктіс

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.