2 Каднебӧг 29:30 - Коми Библия 2023

³⁰ Езекей ӧксы да юралысьяс тшӧктісны левитъяслы ошкыны Господьӧс Давидлӧн да Асаф пророклӧн кывъясӧн. Левитъяс нимкодьпырысь ошкисны Господьӧс да копыртчӧмӧн юрбитісны Сылы.

2 Каднебӧг 29:30 ပူးပေါင်းရင်းမြစ်များ

2 Каднебӧг 23:18

Иодай индіс попъясӧс да левитъясӧс тӧждысьны Господьлӧн крам вӧсна [да тшӧктіс, кодлы кор кесъявны]. Мӧисейлӧн Индӧд серти Давид вӧлі индӧма найӧс вайны крамын сотан висьяс Господьлы, тайӧс колӧ вӧлі вӧчны сьылӧмӧн-нимкодясьӧмӧн.

2 Каднебӧг 30:21

Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ.

2 Каднебӧг 30:23

Ерусалимӧ чукӧртчӧм войтырыс шуис нӧшта на сизим лун чӧж гажӧдчыны, и тайӧ сизимнан лунсӧ найӧ гажӧдчисны-нимкодясисны.

2 Каднебӧг 30:26

Ерусалимын вӧлі ыджыд гаж, татшӧм гажыс эз нин вӧвлы сэні израильса Соломон ӧксылӧн, Давид пилӧн, веськӧдлан кадсянь.

2 Каднебӧг 7:3

Кор Израиль войтыр аддзис енэжсяньыс лэччысь би да крам вылысь Господьлысь дзирдлунсӧ, найӧ кымынь уськӧдчисны муас да копыртчӧмӧн ошкисны Господьӧс: «Сійӧ бур, Сылӧн буралӧмыс оз помасьлы!»

Ездра 6:16

Израиль войтыр, попъяс, левитъяс да пленысь мукӧд локтӧмаяс нимкодясисны Енлысь крамсӧ вежӧдігӧн.

Ездра 6:22

Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Неемий 12:46

Важысянь нин, Давид да Асаф дырйи на, сьылысьяслы вӧлі пуктӧма веськӧдлысьясӧс да лӧсьӧдӧма Енмӧс ошкана-аттьӧалана сьыланъяс.

Псалтыр 106:12

Господь раммӧдліс налысь сьӧлӧмсӧ сьӧкыд уджӧн. Найӧ усисны кок йывсьыныс, и отсалысьыс эз вӧв.

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Псалтыр 32:11

Но Господьлӧн шуӧмыс олӧ нэмъяс чӧж, Сылӧн кӧсйӧмыс чужысьяссянь чужысьясӧдз оз вежсьы.

Псалтыр 50:1

Сьылысьясӧн веськӧдлысьлы. Давидлӧн псалом.

Псалтыр 95:6

Сылӧн эм ыджыдалӧм да дзирдлун, Сылӧн вежаинын – вын да мичлун.

Псалтыр 96:9

Тэ – Медвылыссаыс став му пасьталаыс, Господьӧй, став енсьыс Тэ медвылын.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!