2 Каднебӧг 29:25 - Коми Библия 2023

²⁵ Ӧксы тшӧктіс левитъяслы сулавны Господьлӧн крамын да ворсны кимвалӧн, арфаӧн да гуслиӧн, кыдзи тшӧктылісны вӧчны Давид ӧксы, сылӧн Гад нима пророк да Нафан пророк. Тайӧ тшӧктӧмыс вӧлі Господьсянь Сылӧн пророкъяс пыр.

2 Каднебӧг 29:25 ပူးပေါင်းရင်းမြစ်များ

Ӧксыяслӧн 2 небӧг 24:11

Гад пророклы, Давидлӧн тӧдысь-аддзысьлы, вӧлі Господьсянь кыв: «Мун да юӧрт Давидлы, мый Господь тадзи висьталӧ: куим мыждӧм Ме вӧзъя тэныд. Мый бӧръян, сійӧс Ме и вӧча». Мӧд асывнас, кор Давид чеччис,

1 Каднебӧг 16:42

Еманӧс да Едутунӧс индісны ворсны трубаӧн, кимвалӧн да мукӧд ворсанторйӧн, медым ошкыны Енмӧс. Едутунлысь пиянсӧ пуктісны видзны вежа чомлысь пыранінсӧ.

1 Каднебӧг 21:9

Господь шуис Гадлы, Давидлӧн тӧдысь-аддзысьлы:

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

1 Каднебӧг 28:12

Сетіс став серпас-баласӧ, мый дасьтіс-лӧсьӧдіс Лов нуӧдӧм улын: Господьлӧн крам йӧрлысь да сыгӧгӧрса вежӧсъяслысь серпассӧ, Енлӧн крам видзанінлысь да вежа козин видзанінлысь серпассӧ.

1 Каднебӧг 28:19

«Став тайӧ тшӧктӧмъяссӧ крам вӧчӧм йылысь ме тӧдмалі Господьсянь да гижи найӧс», – висьталіс Давид.

1 Каднебӧг 29:29

Давид ӧксылӧн веськӧдлан кадӧ лоӧмторъяс йылысь водзысяньыс и помӧдзыс пасъялӧма Самуил пророклӧн, Нафан пророклӧн да Гад нима тӧдысь-аддзысьлӧн гижӧдъясын.

1 Каднебӧг 9:33

Левий рӧдысь сьылысьяс, кодъяс вӧліны рӧдкутысьясӧн, олісны крам вежӧсъясын. Мукӧд уджсӧ найӧ эз вӧчны, ӧд найӧ лун и вой сьылісны-кесъялісны крамын.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

2 Каднебӧг 30:21

Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ.

2 Каднебӧг 35:15

Давид ӧксылӧн да сылӧн Асаф, Еман да Едутун пророкъяслӧн тшӧктӧм серти сьылысьяс, Асафсянь чужысьяс, сулалісны асланыс местаын. Быд дзиръя дорын сулалісны дзиръя видзысьяс. Сьылысьяслӧн да дзиръя видзысьяслӧн вокъясыс, левитъяс, дасьтісны налы ыджыдлунся баляӧс, та вӧсна налы эз вӧв колана мунны асланыс кесъяланінысь.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Ӧксыяслӧн 1 небӧг 22:5

Но Гад нима пророк шуис Давидлы: «Пет сайӧдчанінысь да мун Иуда муӧ». Сэки Давид муніс херетса вӧрӧ.