2 Каднебӧг 28:27 - Коми Библия 2023

²⁷ Ахаз куліс да вуджис батьясыс дінӧ. Сійӧс дзебисны Ерусалимӧ, но эз израильса ӧксыяслӧн дзебанінӧ. Ахаз бӧрти ӧксыӧ пуксис сылӧн Езекей пиыс.

2 Каднебӧг 28:27 ပူးပေါင်းရင်းမြစ်များ

Ӧксыяслӧн 4 небӧг 16:20

Ахаз куліс да вуджис батьясыс дінӧ. Сійӧс дзебисны Давид карӧ батьясыскӧд орччӧн. Ахаз бӧрти ӧксыӧ пуксис сылӧн Езекей пиыс.

Ӧксыяслӧн 4 небӧг 18:1

Израильса Осий ӧксылӧн, Элай пилӧн, коймӧд веськӧдлан воӧ Иуда муын ӧксыӧ пуксис Ахазлӧн Езекей пиыс.

2 Каднебӧг 21:2

Иорамлӧн вӧліны Азарий, Ехиэл, Закар, Азарий, Микаил да Шефатай нима вокъяс. Ставныс найӧ вӧліны израильса Иосафат ӧксылӧн пиян.

2 Каднебӧг 21:20

Ӧксыӧ пуксигас Иорамлы вӧлі комын кык арӧс. Кӧкъямыс во чӧж сійӧ юраліс Ерусалимын. Сылӧн кулӧм вӧсна некод эз бӧрд. Сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 24:25

Кор арамейяс мунісны, колисны Йоасӧс ёна дойдалӧмаӧн. Сэки Йоаслӧн кесйӧгъясыс сёрнитчисны сылысь водзӧс перйыны Иодай поплысь писӧ виӧмысь. Кесйӧгъясыс виисны Йоасӧс вольпасяс. Йоас куліс, и сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 26:23

Озей куліс да вуджис батьясыс дінӧ. Сійӧс дзебисны ыб вылӧ батьясыскӧд орччӧн, но дзебисны эз ӧксыяслӧн дзебанінӧ, ӧд сійӧ висис проказаӧн. Озей бӧрти ӧксыӧ пуксис сылӧн Иотам пиыс.

2 Каднебӧг 29:1

Ӧксыӧ пуксигас Езекейлы вӧлі кызь вит арӧс. Кызь ӧкмыс во чӧж сійӧ юраліс Ерусалимын. Сылӧн мамыс вӧлі Авия, Закарлӧн нылыс.

2 Каднебӧг 33:20

Манассей куліс да вуджис батьясыс дінӧ. Сійӧс дзебисны аслас керка йӧрӧ. Манассей бӧрти ӧксыӧ пуксис сылӧн Амон пиыс.

Шусьӧгъяс 10:7

Веськыда олысьӧс бурӧн казьтывласны, а лёк вӧчысьлысь нимсӧ вунӧдасны.

Исай 14:28

Ахаз ӧксылӧн кулан воӧ вӧлі водзвыв висьталӧм:

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.