2 Каднебӧг 28:23 - Коми Библия 2023

²³ Сійӧ вись вайис Дамаскын олысьяслӧн идолъяслы, ӧд чайтіс, мый налӧн енъясыс пасьвартісны сійӧс. Сійӧ шуаліс: «Арамса ӧксыяслӧн енъясыс отсалӧны налы. Ме вись вая налы, и найӧ меным тшӧтш отсаласны». Но найӧ мыжӧ вӧйтісны Ахазӧс да став Израиль войтырӧс.

2 Каднебӧг 28:23 ပူးပေါင်းရင်းမြစ်များ

2 Каднебӧг 25:14

Эдомсаясӧс пасьвартӧм бӧрын гортас локтігӧн Амасей вайис аскӧдыс Сеир керӧсвыв муын олысьяслысь идолъяссӧ. Сійӧ пуктіс найӧс аслыс ен пыдди, юрбитіс налы да сотіс налы висьяс.

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Еремей 10:5

Бӧлбанъяс – град йӧрын сулалысь повзьӧдчанторъяс кодьӧсь, сёрнитны оз вермыны. Найӧс новлӧдлӧны, ӧд асьныс ветлыны оз вермыны. Энӧ полӧй наысь, ӧд лёксӧ вӧчны найӧ оз вермыны, и бурсӧ вӧчны тшӧтш оз вермыны.

Еремей 2:25

Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Осий 13:9

Тэ ачыд асьтӧ бырӧдан, Израиль, ӧд тэ кыпӧдчин Меным паныд, тэныд отсӧг Сетысьлы паныд.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Аввакум 1:11

Сійӧ тӧвзьӧ ыджыд тӧвныр моз, мунӧ ыджыд ӧдӧн да ставсӧ бырӧдӧ, сылӧн енмыс – аслас выныс.