2 Каднебӧг 24:22 - Коми Библия 2023

²² Йоас ӧксы вунӧдіс Закарлӧн Иодай батьыслысь сылы бур вӧчӧм йылысь да виис Иодайлысь писӧ. Кулігас Закар шуис: «Господь аддзӧ тайӧс, Сійӧ мед водзӧс перъяс!»

2 Каднебӧг 24:22 ပူးပေါင်းရင်းမြစ်များ

Олӧм 42:22

Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Олӧм 9:5

Тіян вир вӧсна – олӧмнытӧ мырддьӧм вӧсна – Ме водзӧс перъя сылысь, коді кисьтас вирнытӧ, пемӧс-ӧ сійӧ либӧ морт.

Псалтыр 109:4

Господь кыв сетіс да оз веж сійӧс. Сійӧ шуис: «Мелкиседек моз Тэ пыр кежлӧ Аркирей».

Псалтыр 9:13

Сійӧ оз вунӧд виӧмаясӧс, водзӧс перъяс вир кисьтӧмысь, оз вунӧд дзескӧдӧмаяслысь бӧрдӧмсӧ.

Шусьӧгъяс 17:13

Коді бурсьыс лёкӧн мынтысьӧ, сылысь керкасӧ лёкыс оз эновт.

Еремей 11:20

Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Лука 11:51

Авель вирсянь да Закар вирӧдз, кодӧс виисны висьпуктанін да крам костын. Висьтала тіянлы: ӧнія олысьяслы ковмас мынтысьны таысь.

Иоан 10:32

Сійӧ шуис налы: «Батьлӧн тшӧктӧм серти Ме уна бур удж вӧчи тіян пӧвстын. Кутшӧм уджысь нӧ кӧсъянныд изъявны Менӧ?»

2 Тимофейлы 4:14

Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.

2 Тимофейлы 4:16

Ёрд водзын медводдза дорйысигӧн некод эз сувт ме дор, ставныс эновтісны менӧ. Мед оз ло лыддьӧма тайӧс налы мыжӧн.

Нав Исус 22:23

Господь мед Ачыс водзӧс перъяс миянлысь, ми кӧ кежим Сыысь да вӧчим висьпуктанінсӧ сотан вись, нянь вись да бурасян вись вайӧм могысь.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Ёрдысьяс 8:35

Гедеонлӧн, мӧд ногӧн кӧ, Еровааллӧн, котырлы найӧ эз мынтысьны бурӧн Гедеонлӧн Израильлы бур вӧчӧмысь.