2 Каднебӧг 21:11 - Коми Библия 2023

¹¹ Иуда керӧсвыв муын Иорам вӧчис вись ваян мылькъяс. Сылӧн веськӧдлӧм улын Ерусалимын олысьяс кырсалысь ань моз сетчисны идолъяслы, тадзи сійӧ кежӧдіс Иуда войтырӧс веськыд туй вылысь.

2 Каднебӧг 21:11 ပူးပေါင်းရင်းမြစ်များ

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 4 небӧг 21:11

«Иудаса Манассей ӧксы вӧчис пежсӧ. Сыӧдз олысь аморей войтыр дорысь сійӧ лёксӧ вӧчис унджык на. Аслас идолъяслы юрбитӧмӧн сійӧ кежӧдіс тшӧтш Иуда войтырӧс мыжас.

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

2 Каднебӧг 21:10

Эдом войтыр мыніс Иуда кипод улысь, и ӧнӧдз тайӧ тадз. Сійӧ жӧ кадӧ иудаса ӧксылы паныд кыпӧдчисны тшӧтш Ливна карын олысьяс. Тадзи лои, ӧд Иорам эновтіс Господьӧс, аслас батьяслысь Енсӧ.

2 Каднебӧг 21:13

а ветлан израильса ӧксыяслӧн туйӧд. Тэ кежӧдін Иуда войтырӧс да Ерусалимын олысьясӧс кырсалысь ань моз сетчыны идолъяслы да овны Ахав рӧд моз. Ассьыд вокъястӧ, батьыдлысь пиянсӧ, кодъяс вӧліны тэысь бурджыкӧсь, тэ виин.

2 Каднебӧг 33:9

Иуда войтырӧс да Ерусалимын олысьясӧс Манассей кежӧдіс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 3:8

Израиль войтыр эновтіс Менӧ. Тадзи найӧ пежалісны йитӧдӧс, мый Ме кӧрталі накӧд. Та вӧсна Ме сеті Израиль войтырлы торйӧдчан гижӧд да вӧтлі сійӧс Ас дінысь. Ме аддзылі, мый та вылӧ видзӧдтӧг Иуда, сылӧн ылӧдчысь чойыс, эз повзьы, но ачыс кырсалысь ань моз тшӧтш сетчис мукӧд енъяслы.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 23:11

Оголива чойыс ставсӧ тайӧс аддзыліс, но Огола чойыс дорысь на ёнджыка зывӧксӧ вӧчис да кырсаліс.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Осий 12:1

Ефрем кыйӧдӧ тӧвныр, вӧтлысьӧ асыв тӧв бӧрся, быд лун содтӧ пӧръясьӧмсӧ да виалӧмсӧ, Ассуркӧд кӧрталӧ йитӧдъяс, Египетӧ нуӧ вый.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Левит 20:5

сэки тадзи вӧчысьлы да сылӧн рӧдвужлы Ме паныд сувта. Ме бырӧда войтыр пӧвстысь быдӧнӧс, коді кырсалысь ань моз сетчӧ Молок идоллы.

Аввакум 2:15

– Курыд шог сылы, коді юкталӧ матыссасӧ скӧрлунӧн, юкталӧ коддзытӧдзыс, медым аддзыны сійӧс пасьтӧгыс.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.