2 Каднебӧг 20:29 - Коми Библия 2023

²⁹ Став муясын олысьяс кутісны повны Енсьыс, кор найӧ кылісны, мый Ачыс Господь тышкасис Израильлӧн вӧрӧгкӧд.

2 Каднебӧг 20:29 ပူးပေါင်းရင်းမြစ်များ

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

2 Каднебӧг 14:13

Аслас тышкайӧзкӧд Аса вӧтчис на бӧрся Герар карӧдз. Эфиопияысь локтӧм йӧзыс кулісны, эз коль на пӧвстысь весиг ловъя морт, ӧд Господь Аслас тышкайӧзкӧд пасьвартіс найӧс. Иудаса тышкайӧзлы вичмис тышын зэв уна шедӧдӧмтор.

2 Каднебӧг 14:14

Найӧ пасьвартісны Герар гӧгӧрысь став карсӧ, ӧд сэні олысьяс пӧвстӧ Господь ыстіс ыджыд полӧм. Иудаса тышкайӧз куштісны став тайӧ каръяссӧ да нуисны сэтысь зэв уна эмбур.

2 Каднебӧг 17:10

Иуда му гӧгӧр олысь войтыръяс пӧвстӧ Господь ыстіс ыджыд полӧм, та вӧсна найӧ эз лысьтны тыш панны Иосафаткӧд.

2 Каднебӧг 20:28

Арфа, гусли да труба ворсан шы улӧ найӧ локтісны Ерусалимӧ да пырисны Господьлӧн крамӧ.

Псалтыр 76:8

Господь ӧмӧй пыр кежлӧ эновтіс, Сійӧ ӧмӧй оз нин радейт менӧ?

Петӧм 14:14

Ачыс Господь кутас тышкасьны тіян пыдди, а ті чӧв олӧй!»

Петӧм 14:25

Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».

Петӧм 23:27

Тіян водзвылын Ме ыста полӧм, шӧйӧвошта войтыръясӧс, кодъяс дінӧ ті матыстчанныд. Ме разӧда тіян водзысь вӧрӧгнытӧ.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.