2 Каднебӧг 20:21 - Коми Библия 2023

²¹ Войтырыскӧд сёрнитчӧм бӧрын Иосафат индіс сьылысьясӧс, медым найӧ вежа паськӧмӧн мунісны тышкайӧз водзын да ошкисны Господьӧс тайӧ кывъяснас: Ошкӧй Господьӧс, ӧд Сылӧн буралӧмыс оз помасьлы!

2 Каднебӧг 20:21 ပူးပေါင်းရင်းမြစ်များ

1 Каднебӧг 16:29

ошкӧй Господьлысь нимсӧ, локтӧй Сы водзӧ, вайӧй Сылы козинъяс, копыртчӧй Господьлы Сылӧн мича вежаинын!

1 Каднебӧг 16:34

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

1 Каднебӧг 16:41

Накӧд тшӧтш кесъялісны Еман, Едутун да мукӧд бӧрйӧм йӧз, кодъясӧс вӧлі индӧма нимнас, медым найӧ ошкисны Господьӧс, кодлӧн буралӧмыс оз помасьлы.

2 Каднебӧг 30:21

Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ.

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

2 Каднебӧг 7:3

Кор Израиль войтыр аддзис енэжсяньыс лэччысь би да крам вылысь Господьлысь дзирдлунсӧ, найӧ кымынь уськӧдчисны муас да копыртчӧмӧн ошкисны Господьӧс: «Сійӧ бур, Сылӧн буралӧмыс оз помасьлы!»

2 Каднебӧг 7:6

Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Псалтыр 106:1

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

Псалтыр 107:1

Сьыланкыв. Давидлӧн псалом.

Псалтыр 18:4

Налӧн абу сёрниыс, абу кывъясыс, гӧлӧс шысӧ он кыв,

Псалтыр 29:2

Господьӧй, ме ыдждӧдла Тэнӧ, ӧд Тэ кыпӧдін менӧ, эн сет менӧ мустӧмтысьлы нимкодясьны.

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Псалтыр 96:9

Тэ – Медвылыссаыс став му пасьталаыс, Господьӧй, став енсьыс Тэ медвылын.

Шусьӧгъяс 11:14

Мывкыд веськӧдлысьыд кор абу, войтырыд чинӧ-бырӧ, а туйдӧдысьыд кор уна, войтырыд бура олӧ.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.