2 Каднебӧг 20:20 - Коми Библия 2023

²⁰ Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

2 Каднебӧг 20:20 ပူးပေါင်းရင်းမြစ်များ

Ӧксыяслӧн 2 небӧг 14:2

Сійӧ тшӧктіс вайӧдны Текоя карысь сюсь мывкыда аньӧс. Сылы шуис: «Лэччысь бӧрдӧм улӧ. Пасьтав шогалан паськӧм, чӧскыд дука выйнад эн мавтчы. Петкӧдлы, быттьӧ тэ дыр кад нин бӧрдан кулысь вӧсна.

1 Каднебӧг 4:5

Ашхурлӧн, Текоялӧн батьлӧн, вӧлі кык гӧтыр: Хела да Наара.

2 Каднебӧг 11:6

Сійӧ кытшаліс стенмӧн Виплием, Этам, Текоя,

2 Каднебӧг 20:19

Кааф да Корей рӧдъясысь левитъяс сувтісны да пондісны гораа ошкыны Господьӧс, Израильлысь Енсӧ.

Псалтыр 125:1

Крамӧ мунігӧн сьылӧм. Кор Господь бӧр вайӧдіс миянӧс пленысь Сионӧ, ми вӧлім мича вӧт аддзысь кодьӧсь.

Петӧм 14:31

найӧ гӧгӧрвоисны, мый Ачыс Господь вына кинас вӧчис тайӧс египетсакӧд. Израиль войтырӧс босьтіс Господьысь полӧм. Найӧ эскисны Господьлы да Сылӧн Мӧисей кесйӧглы. Сэки Мӧисей да Израиль войтыр сьылісны Господьлы сьыланкыв.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Еремей 38:20

Еремей шуис Седекейлы: «Оз сетны. Кывзы Господьӧс. Кывзы, мый ме висьтала тэныд. Сэки тэныд бур лоӧ, и тэ ловйӧн колян.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Даниил 6:23

Даниил вӧсна ӧксы ёна нимкодясис да тшӧктіс лэптыны сійӧс гусьыс. Сійӧс лэптісны, и сылӧн вир-яйысь эз аддзыны некутшӧм дойдалӧм, ӧд сійӧ лача кутіс аслас Ен вылӧ.

Лука 16:31

Сэки Ӧвраам шуис сылы: ”Мӧисейӧс да пророкъясӧс кӧ оз кывзыны, найӧ оз эскыны весиг кулӧмысь ловзьысьлы”».

Иоан 11:40

Исус шуис Марпалы: «Эг ӧмӧй тэныд шулы, мый эскан кӧ, аддзан Енлысь дзирдлунсӧ?»

Иоан 13:20

Веськыда, веськыда висьтала тіянлы: коді сибӧдӧ Месянь мӧдӧдӧмаӧс, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс».

Иоан 14:1

«Мед оз майшась тіян сьӧлӧмныд. Эскӧй Енлы да эскӧй Меным.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.