2 Каднебӧг 16:14 - Коми Библия 2023

¹⁴ Сійӧс дзебисны Давид карӧ дзебанінӧ, мый сійӧ водзвыв вӧлі дасьтӧма аслыс. Куйланіныс вӧлі тырӧма чӧскыд ӧвтанторъясӧн да мавтасъясӧн. Асаӧс казьтывлӧм могысь пестісны ыджыд бипур.

2 Каднебӧг 16:14 ပူးပေါင်းရင်းမြစ်များ

Олӧм 50:2

Ӧсип тшӧктіс аслас кесйӧг бурдӧдысьяслы бальзамируйтны Израиль батьыслысь шойсӧ. Бурдӧдысьяс тадзи и вӧчисны.

Олӧм 50:5

мый кулігас батьӧй тшӧктіс гуавны сійӧс Ханаан муӧ аслыс водзвыв лӧсьӧдӧм дзебанінӧ. Ме кыв сеті сылы. Та вӧсна корӧй фараонӧс, мед сійӧ лэдзас менӧ мунны да дзебны ассьым батьӧс. Сэсся ме бӧр локта». [Ӧсиплысь кывъяссӧ висьталісны фараонлы.]

Ӧксыяслӧн 2 небӧг 2:32

Асаиллысь шойсӧ нуисны Виплиемӧ да пуктісны батьыслӧн дзебанінӧ. Йоав аслас йӧзкӧд войбыд муніс да асъядорыс воис Хевронӧ.

2 Каднебӧг 16:13

Нелямын ӧтиӧд ӧксыалан воас Аса куліс да вуджис батьясыс дінӧ.

2 Каднебӧг 21:19

Лунысь-лун сійӧ сьӧкыда висис, а мӧд во помасигас сылӧн гырк пытшкӧсыс висьӧмысла ортсӧ петіс. Сійӧ куліс ёна сьӧкыдалӧмӧн. Казьтывлӧм могысь сылӧн батьяслы моз войтырыс эз песты сылы бипур.

2 Каднебӧг 32:33

Езекей куліс да вуджис батьясыс дінӧ. Сійӧс дзебисны Давидсянь чужысьяслӧн дзебанінӧ, выліинӧ. Сылӧн кулӧм бӧрын став Иуда войтыр да Ерусалимын олысьяс нимӧдісны сійӧс. Езекей бӧрти ӧксыӧ пуксис сылӧн Манассей пиыс.

2 Каднебӧг 35:24

Кесйӧгъясыс босьтісны сійӧс тарантассьыс, пуктісны мӧд тарантасӧ да нуисны Ерусалимӧ. Сэні сійӧ кувсис. Сійӧс дзебисны батьясыслӧн дзебанінӧ. Став Иуда войтырыс да Ерусалимын олысьяс бӧрдісны Иосей вӧсна.

Еклесиаст 10:1

Кулӧм гутъяс дукӧсьтӧны чӧскыда ӧвтысь мавтас, вежӧртӧмлуныс чышкыштӧ мывкыдлунсӧ да нималӧмсӧ.

Исай 22:16

– Коді тэ сэтшӧмыс? Тані тэнад абу рӧдвужыд, а тэ лысьтін изкыртаын керавны аслыд дзебанін. Вывтасінын тэ кералін аслыд гуасянін, изкыртаын вӧчин аслыд оланін.

Еремей 34:5

тэ кулан лӧня. Батьясыдлы моз, кодъяс тэӧдз ӧксыалісны, тэныд тшӧтш сотасны чӧскыд ӧвтанторъяс тэнӧ гуалігӧн да кутасны бӧрдны тэ йылысь: ”Курыд шог, ыджыдӧй!” Тайӧс Ме кӧсйыся, – висьталӧ Господь».

Марк 16:1

Шойччан лун бӧрын Магдала Марья, Яковлӧн Марья мамыс да Саломия ньӧбисны чӧскыд дука выйяс, медым мавтны Исусӧс.

Ӧксыяслӧн 1 небӧг 31:12

сэки став збой йӧзыс петісны туйӧ да войбыд мунісны. Найӧ босьтісны Сауллысь да пияныслысь шойяссӧ, кодъяс ӧшалісны Бет-Шеан стен бердын, вайисны Явис карӧ да сотісны.