2 Каднебӧг 14:8 - Коми Библия 2023

⁸ Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс.

2 Каднебӧг 14:8 ပူးပေါင်းရင်းမြစ်များ

Ӧксыяслӧн 3 небӧг 10:16

Дорӧм зарниысь Соломон ӧксы вӧчӧдіс кыксё ыджыд сайӧд, быд сайӧд вылӧ муніс квайтсё сикель зарни.

1 Каднебӧг 8:40

Уламлӧн пияныс вӧліны вына тышкасьысьяс, найӧ бура лыйсисны ньӧввужйысь. Налӧн вӧлі уна пи да пияныслӧн пи – сё ветымын морт. Ставныс найӧ вӧліны Венямин чужанкотырысь.

2 Каднебӧг 11:1

Ерусалимӧ локтӧм бӧрын Ровоам чукӧртіс Иуда да Венямин чужанкотырысь сё кӧкъямысдас сюрс медбур тышкамортӧс, мед петны тышӧ Израильлы паныд да бӧр босьтны аслас киӧ на вылын ӧксыалӧмсӧ.

2 Каднебӧг 11:8

Геф, Мареша, Зиф,

2 Каднебӧг 12:2

Найӧ эновтісны Господьӧс, та вӧсна Ровоам ӧксылӧн витӧд веськӧдлан воӧ египетса Шишак ӧксы аслас тышкайӧзкӧд уськӧдчис Ерусалим кар вылӧ.

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

2 Каднебӧг 13:3

Тышсӧ паніс Авий. Сылӧн вӧлі нёльсё сюрс медбур тышкаморт. Еровам петіс сылы паныд кӧкъямыссё сюрс медбур тышкаморткӧд.

2 Каднебӧг 16:8

Эфиопияса да ливияса тышкайӧзлӧн вӧлі лыдтӧм-тшӧттӧм тарантас да верзьӧма, но Господь сетіс найӧс тэнад киӧ, ӧд тэ лача кутін Господь вылӧ.

2 Каднебӧг 20:1

Кутшӧмкӧ кад мысти Иосафатлы паныд тышӧ петісны моав да аммон войтыръяс, накӧд тшӧтш тышӧ петісны маонсаяс пӧвстысь ӧткымын морт.

2 Каднебӧг 25:5

Амасей чукӧртіс Иудаын олысь айуловӧс, сэсся Иуда да Венямин чужанкотырысь айуловсӧ юкліс рӧдныс серти да сетіс найӧс сюрс тышкамортӧн да сё тышкамортӧн веськӧдлысьяслӧн кипод улӧ. Кызь арӧса да ыджыдджык арлыда айуловӧс арталӧм бӧрти Амасей тӧдмаліс, мый сылӧн эм куимсё сюрс морт, кодъяс вермӧны тышӧ ветлыны. Налӧн быдӧнлӧн вӧлі шы да сайӧд.