2 Фессалоникаӧ 3:4 - Коми Библия 2023

⁴ Господь эскӧдӧ миянӧс, мый ті вӧчанныд нин миян тшӧктӧм серти да водзӧ тадзи кутанныд вӧчны.

2 Фессалоникаӧ 3:4 ပူးပေါင်းရင်းမြစ်များ

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Римӧ 15:14

Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ.

Римӧ 15:18

Лысьта висьтавны сӧмын сы йылысь, мый Кристос вӧчис ме пыр, медым вайӧдны ентӧдтӧмъясӧс Енлысь кывзысьӧмас. Сійӧ вӧчис тайӧс Енмыслӧн Лов вынӧн менам сёрниӧй да уджӧй пыр, индысьпасъяс да шензьӧданаторъяс пыр. Ерусалимсянь да водзӧ ме паськӧді Кристос йылысь Бур Юӧрсӧ, весиг Иллирикӧдз вои.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

1 Коринфӧ 14:37

Коді лыддьӧ асьсӧ пророкӧн либӧ Лов серти олысьӧн, сійӧ мед тӧдӧ, мый тайӧ велӧдӧмыс – Господьлӧн тшӧктӧм.

1 Коринфӧ 7:19

Вундыштӧмыс нинӧм, и вундыштчытӧмыс нинӧм, но медшӧр могыс – овны Енлӧн тшӧктӧм серти.

2 Коринфӧ 2:3

Дзик та йылысь ме гижлі тіянлы, медым тіянӧ воа да, меным эз ковмы шогсьыны сійӧ йӧзыс вӧсна, код вӧсна колӧ нимкодясьны. Ме тӧда, меным кӧ нимкодь, тіянлы ставныдлы тшӧтш нимкодь.

2 Коринфӧ 2:9

Сійӧ гижӧдсӧ ме гижлі тіянлы, медым тӧдмавны, быдторйын-ӧ ті кывзысянныд.

2 Коринфӧ 8:22

Тит да тайӧ вокыскӧд ми мӧдӧдам нӧшта ӧтиӧс. Ассьыс зільӧмсӧ сійӧ петкӧдліс унаысь да унаторйын. Сійӧ кутӧ тіян вылӧ ыджыд лача, та вӧсна ӧні ёнджыка на зільӧ отсасьны тіянлы.

Галатӧ 5:10

Господь вылӧ лача кутӧмӧн эска, мый онӧ кутӧй мӧвпавны мӧд ног. Тіянӧс падмӧдысьясӧс Енмыс мыждас.

Филипӧ 1:6

Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

1 Фессалоникаӧ 4:10

Ті збыльысь радейтанныд Македония пасьтала став эскысьсӧ. Вокъяс, корам тіянӧс: радейтӧй ӧта-мӧднытӧ нӧшта на ёнджыка.

2 Фессалоникаӧ 3:12

Татшӧм йӧзсӧ миян Господь Исус Кристос нимӧн корам да ышӧдам: уджалӧй рам сьӧлӧмӧн да ас ки помысь шедӧдӧй аслыныд кынӧмпӧттӧ.

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

Филимонлы 1:21

Ме эска, мый тэ кывзысян, та вӧсна и гижа. Тӧда, тэ вӧчан унджык на менам корӧм дорысь.