2 Фессалоникаӧ 3:16 - Коми Библия 2023

¹⁶ Ачыс Господь, лӧньлунсӧ Сетысь, мед быд кадӧ да быдторйын сетас тіянлы лӧньлунсӧ. Господь мед лоас ставныдкӧд тіянкӧд!

2 Фессалоникаӧ 3:16 ပူးပေါင်းရင်းမြစ်များ

Псалтыр 29:11

Господьӧй, кыв менӧ, ло бур сьӧлӧма ме дінӧ. Господьӧй, отсав меным!»

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Псалтыр 72:3

ӧд ме вежалі лёк вӧчысьяслы, кор аддзи налысь бур олӧмсӧ.

Псалтыр 72:7

Тшӧгнысла налӧн синныс бердӧма, налӧн мӧвпъясныс жуӧны-бергалӧны.

Исай 26:12

Господьӧй, Тэ сетан миянлы лӧньлун, ӧд Тэсянь ставыс, мый ми вӧчам да шедӧдам.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 54:10

Керӧсъяс вешъясны, мылькъяс вӧрзьыласны, а Менам буралӧмӧй тэ дінӧ оз вежсьыв, лӧньлун вайысь Менам йитӧдӧй оз вӧрзьыв, – висьталӧ тэнӧ радейтысь Господь.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Лыд 6:26

Господь мед бергӧдас Ассьыс чужӧмбансӧ тэлань да сетас тэныд лӧнь олӧм!

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Римӧ 15:33

Лӧньлунсӧ сетысь Ен ставныдкӧд тіянкӧд. Аминь.

Римӧ 16:20

Лӧньлунсӧ сетысь Ен регыд песовтас сӧтанасӧ тіян кокъяс улӧ. Миян Господь Исус Кристослӧн буралӧмыс тіянкӧд. Аминь.

1 Коринфӧ 14:33

ӧд Енмыс абу торкалысь Ен, Сійӧ – лӧньлунсӧ сетысь Ен. Вежа войтырлӧн вичкоясын тадзи лӧсьӧдӧма:

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

Ефесӧ 6:23

Вокъяс, сиа тіянлы лӧнь олӧм, муслун да эскӧм Ен Батьсянь да Господь Исус Кристоссянь.

1 Фессалоникаӧ 3:11

Ачыс Енмыс, миян Бать, да миян Господь Исус Кристос мед веськӧдасны миянлысь туйнымӧс тіян дінӧ.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

2 Фессалоникаӧ 3:18

миян Господь Исус Кристослӧн буралӧмыс ставныдкӧд тіянкӧд. Аминь.

2 Тимофейлы 4:22

Господь Исус Кристос тэкӧд. Енлӧн буралӧмыс тіянкӧд. Аминь.

Филимонлы 1:25

Миян Господь Исус Кристослӧн буралӧмыс тіянкӧд. Аминь.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еврейяслы 7:2

Ӧвраам торйӧдіс Мелкиседеклы тышын став шедӧдӧмсьыс дасӧд юкӧнсӧ. Мелкиседек нимлӧн вежӧртасыс – веськыдлуныслӧн ӧксы. Сійӧ вӧлі Салим карса ӧксы, та вӧсна нӧшта сійӧс шуӧны ”лӧньлуныслӧн ӧксы”.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.

Руфа 2:4

Буретш сэки Вооз локтіс Виплиемысь да чолӧмасис ид вундысьяскӧд: «Господь тіянкӧд!» Сылы вочавидзисны: «Господь мед бурсиас тэнӧ!»

Ӧксыяслӧн 1 небӧг 17:37

Давид водзӧ сёрнитіс: «Господь, коді мездыліс менӧ левъясысь да ошъясысь, мездас менӧ тшӧтш тайӧ филистимсаысь». Сэки Саул шуис Давидлы: «Мун, Господь мед лоас тэкӧд».

Ӧксыяслӧн 1 небӧг 20:13

Господь мед ёна мыждас менӧ, ог кӧ ме юӧрт, мый батьӧй лёктор кӧсйӧ вӧчны тэныд, да ог кӧ отсав тэныд мунны лӧнь сьӧлӧмӧн. Господь мед лоас тэкӧд, кыдзи Сійӧ вӧлі менам батькӧд.