2 Фессалоникаӧ 3:14 - Коми Библия 2023

¹⁴ Коді оз вӧч тайӧ гижӧдас висьталӧм серти, сійӧс кутӧй тӧд выланыд. Татшӧм мортыскӧд энӧ кутӧй некутшӧм йитӧд. Тадзи ті янӧданныд сійӧс.

2 Фессалоникаӧ 3:14 ပူးပေါင်းရင်းမြစ်များ

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Шусьӧгъяс 5:13

Мыйла эг кывзы, кор менӧ велӧдісны, мыйла пельӧс тупки, кор менӧ туйдӧдісны?

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Лыд 12:14

Господь вочавидзис Мӧисейлы: «Батьыс кӧ сьӧлыштіс сылы чужӧмас, сійӧ эськӧ сизим лун чӧж вӧлі янӧдӧм улын. Сідзкӧ, вӧтлӧй сійӧс чомъяс сайӧ сизим лун кежлӧ, а сэсся мед бӧр локтас».

Матвей 18:17

Оз кӧ сійӧ кывзы найӧс, висьтав вичко водзын. Весиг кӧ найӧс оз кывзы, лыддьы сійӧс ентӧдтӧмӧн, вот перйысьяс лыдӧ пукты.

Римӧ 16:17

Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.

1 Коринфӧ 4:14

Гижа тайӧс тіянӧс туйдӧдӧм могысь, а ог янӧдӧм могысь, ӧд ті менам муса ныв-пи.

1 Коринфӧ 5:11

Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

1 Коринфӧ 5:9

Водзынджык ме тіянлы гижлі нин: энӧ кутӧй некутшӧм йитӧд кырсалысьяскӧд.

2 Коринфӧ 10:6

Ми дасьӧсь мыждыны быдпӧлӧс кывзысьтӧмлунысь, но сӧмын сэки, кор ті асьныд кутанныд тырвыйӧ кывзысьны.

2 Коринфӧ 2:9

Сійӧ гижӧдсӧ ме гижлі тіянлы, медым тӧдмавны, быдторйын-ӧ ті кывзысянныд.

2 Коринфӧ 7:15

Ӧні, тіянӧс казьтылігӧн, сылӧн сьӧлӧмас ёнджыка на содӧ тіян дінӧ муслуныс, ӧд ті ёна кывзысьӧмныд сылысь, полӧмӧн да пыдди пуктӧмӧн сибӧдӧмныд сійӧс.

Индӧд 16:12

Энӧ вунӧдӧй, мый ті асьныд вӧлінныд Египетын кесйӧг туйынӧсь. Кывзысьӧмӧн олӧй тайӧ тшӧктӧмъясыс серти».

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

Колосӧ 4:16

Тайӧ гижӧдсӧ лыддьӧм бӧраныд тӧждысьӧй, медым Лаодикия вичкоын сійӧс тшӧтш лыддясны. А ті лыддьӧй Лаодикияӧ мӧдӧдӧм гижӧдсӧ.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

Титлы 3:10

Ылӧгас кежӧдысьӧс ӧтчыд да мӧдысь ӧлӧдӧм бӧрын эновт.

Филимонлы 1:21

Ме эска, мый тэ кывзысян, та вӧсна и гижа. Тӧда, тэ вӧчан унджык на менам корӧм дорысь.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

2 Иоан 1:10

Тіян дінӧ локтысь кӧ вайӧ мӧд велӧдӧм, энӧ сибӧдӧй сійӧс керка помад, весиг энӧ чолӧмасьӧй сыкӧд.