2 Фессалоникаӧ 3:12 - Коми Библия 2023

¹² Татшӧм йӧзсӧ миян Господь Исус Кристос нимӧн корам да ышӧдам: уджалӧй рам сьӧлӧмӧн да ас ки помысь шедӧдӧй аслыныд кынӧмпӧттӧ.

2 Фессалоникаӧ 3:12 ပူးပေါင်းရင်းမြစ်များ

Шусьӧгъяс 17:1

Тыр пызан да зык-вена олӧм дорысь бурджык кос няньтор да лӧнь олӧм.

Еклесиаст 4:6

Мырсьӧмӧн да тӧв бӧрся вӧтлысьӧмӧн кык китыр чукӧртӧм дорысь бурджык лӧнь сьӧлӧмӧн ӧти китыр чукӧртны.

Лука 11:3

Сет миянлы быд лун кежлӧ няньнымӧс.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

1 Фессалоникаӧ 4:11

Зільӧй овны лӧня. Быдӧн мед вӧчӧ ассьыс удж, ас ки помысь шедӧдӧ олӧм вылас. Тадзи ми велӧдлім тіянӧс.

2 Фессалоникаӧ 3:8

некодлысь дась нянь эгӧ сёйӧй. Лун и вой пӧсь петтӧдз уджалім, ӧд некодӧс тіян пӧвстысь эгӧ кӧсйӧй сьӧктӧднысӧ.

1 Тимофейлы 2:2

Кевмысьӧй юралысьяс да ыджыдалысьяс вӧсна, медым ми олім лӧня да зыксьытӧг, вежавидзӧмӧн да шогмана ногӧн.