2 Фессалоникаӧ 2:8 - Коми Библия 2023

⁸ сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

2 Фессалоникаӧ 2:8 ပူးပေါင်းရင်းမြစ်များ

Ӧксыяслӧн 2 небӧг 23:7

сӧмын кӧрт беддьӧн либӧ шыӧн инмӧдчан сы дінӧ, сійӧс дзикӧдз сотасны биын.

Иов 4:9

Енлӧн лолыштӧмысь найӧ кулӧны, Сылӧн скӧрлуна пӧльыштӧмысь бырӧны.

Псалтыр 18:15

Господьӧй, мед лоӧны шогманаӧсь Тэныд менам кывъясӧй да сьӧлӧмпытшса мӧвпъясӧй. Тэ менӧ Дорйысьыс да Мездысьыс!

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 30:28

Сылӧн ловшыыс ойдӧм ва кодь, мый кыпӧдчӧ голя помӧдз. Господь кутас пожнавны войтыръясӧс, медым бырӧдны найӧс, Сійӧ кӧртвомалас найӧс, медым бокӧ кежӧдны найӧс туй вылысь.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 7:26

Сэсся пуксясны ёрдысьяс, и мырддясны сылысь юралӧмсӧ. Тайӧ юралӧмсӧ пыр кежлӧ лоӧ бырӧдӧма.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.

Матвей 13:19

Мортыс кылӧ Енлӧн Юралӧм йылысь да оз гӧгӧрво. Сы дінӧ локтӧ омӧльыс да гусялӧ сьӧлӧмас кӧдзӧмасӧ. Тайӧс петкӧдлӧ туй бокӧ усьӧм кӧйдыс.

Матвей 13:38

Кӧдза муыс – муюгыдыс. Бур кӧйдысыс – Енлӧн йӧзыс, ёг туруныс – омӧльлӧн йӧзыс.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

1 Коринфӧ 1:28

бӧрйис тайӧ муюгыдсьыс медся шогмытӧмсӧ, коньӧрсӧ да увтыртӧмсӧ, медым нинӧм туйӧ пуктыны нималанасӧ,

2 Фессалоникаӧ 2:3

Энӧ сетӧй асьнытӧ ылӧдлыны некодлы, ӧд сійӧ луныс воас сӧмын сэки, кор йӧзыс кежасны Енсьыс. Сэки локтас мыжыслӧн морт, кулӧмыслӧн пи,

1 Тимофейлы 6:14

миян Господь Исус Кристос локтӧдз ставсӧ вӧч менам тшӧктӧм серти, сӧстӧма да веськыда.

2 Тимофейлы 1:10

А ӧні миян Мездысь Исус Кристослӧн локтӧмыс восьтіс Енлысь буралӧмсӧ. Кристос бырӧдіс кулӧмсӧ да Бур Юӧр пыр восьтіс олӧмсӧ да бырлытӧмсӧ.

2 Тимофейлы 4:1

Ен водзын да Господь Исус Кристос водзын, коді кутас мыждыны ловъяясӧс да кулӧмаясӧс, Сылысь локтӧмсӧ да Юралӧмсӧ тӧд вылын кутӧмӧн кора тэнӧ:

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

1 Иоан 2:13

Гижа тіянлы, батьяс, ӧд ті тӧданныд водзысянь Олысьсӧ. Гижа тіянлы, том войтыр, ӧд ті верминныд омӧльсӧ. Гижа тіянлы, челядь, ӧд ті тӧданныд Ен Батьӧс.

1 Иоан 3:12

Огӧ лоӧй Каин кодьӧсь, ӧд сійӧ вӧлі омӧльсяньыс да виис ассьыс воксӧ. Мыйла виис? Каинлӧн уджъясыс вӧліны лёкӧсь, а вокыслӧн – веськыдӧсь.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Восьтӧм 13:5

Зверлы вӧлі сетӧма позянлун тшапа сёрнитны да омӧльтны Енмӧс лёкӧдана кывъясӧн. Сылы вӧлі сетӧма вын вӧчны тадзи нелямын кык тӧлысь чӧж.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 2:16

Бергӧдчы таысь! Он кӧ бергӧдчы, регыд локта тэ дінӧ да тышкася накӧд Менам вомысь петысь шыпуртӧн.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.