1 Петыр 5:8 - Коми Библия 2023

⁸ Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

1 Петыр 5:8 ပူးပေါင်းရင်းမြစ်များ

Эсфир 7:6

Эсфир вочавидзис: «Тайӧ дзескӧдысьыс да мустӧмтысьыс – лёк Аман». Аман повзьӧмысла тіравны пондіс ӧксы да Эсфир водзын.

Иов 2:2

Господь юаліс сӧтаналысь: «Кытысь тэ локтін?» Сӧтана вочавидзис: «Ме ветлӧдлі му вывті да кытшовті сійӧс».

Псалтыр 104:21

Ӧксы пуктіс сійӧс ыджыдавны аслас керка вылын, кывкутны аслас овмӧс вӧсна,

Псалтыр 109:6

мыждас войтыръясӧс, тыртас мусӧ шойясӧн, разӧдас налысь юръяссӧ став му пасьтала.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Шусьӧгъяс 20:2

Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Шусьӧгъяс 28:15

Эргысь лев да тшыг ош – татшӧм лёк юралысь гӧль войтырлы.

Исай 50:8

ӧд матын Сійӧ, коді петкӧдлӧ, мый ме мыжтӧм. Коді кӧсйӧ менӧ мыжавны? Сувтам ёрд водзӧ! Коді кӧсйӧ меным паныд сувтны? Мед матыстчас!

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еремей 51:38

Вавилонсаяс пондасны лев моз равзыны, левпиян моз эргыны.

Езекиль 19:7

Сійӧ жугліс овтӧм керкаяс, куштіс каръяс, сылӧн равзӧмысь тіраліс став мувывса олысьыс.

Езекиль 22:25

Ерусалимса пророкъяслӧн эм гуся сёрнитчӧм. Левъяс моз найӧ равзӧны, чашйӧны да ньылыштӧны кыйдӧссӧ. Найӧ мырддялӧны йӧзлысь озырлунсӧ да донаторъяссӧ. На вӧсна содӧ дӧваяслӧн лыдыс.

Даниил 6:24

Ӧксы тшӧктіс вайӧдны сійӧ йӧзсӧ, кодъяс мыжалісны Даниилӧс. Найӧс, налысь челядьсӧ да гӧтыръяснысӧ шыбитісны левъяслӧн гуӧ. Найӧ эз на воны гу пыдӧсӧдзыс, левъяс уськӧдчисны на вылӧ, косявлісны найӧс да вильӧдісны налысь лыяссӧ.

Осий 11:10

Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Осий 13:8

Пиянсӧ воштӧм ош моз Ме уськӧдча тэ вылӧ, косявла морӧс кудсьыд сьӧлӧмтӧ, лев моз сёя тэнӧ, звер моз чашъя тэнӧ.

Йоиль 3:16

Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки енэжыс да муыс сыркмунасны. Но Господь доръяс Ассьыс войтырсӧ, Сійӧ видзас Израиль пиянӧс.

Амос 1:2

Амос шуис: – Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки ыж видзысьяслӧн йирсянінъяс косьмасны, Кармил керӧс вылын ставыс нярмас.

Амос 3:4

Равзӧ ӧмӧй вӧрын лев, абу кӧ сылӧн кыйдӧсыс? Кутас ӧмӧй равзыны том лев аслас позйын, эз кӧ нинӧм кый?

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Закар 3:1

Сэсся Господь петкӧдліс меным Исус нима аркирейӧс, коді сулаліс Господьлӧн андел водзын. Исуслӧн веськыдладорын сулаліс сӧтана да мыжаліс сійӧс.

Матвей 13:39

Паныд сувтысьыс, ёг турунсӧ кӧдзысьыс, – омӧль. Вундан кадыс – нэм пом, вундысьясыс – анделъяс.

Матвей 24:42

Лоӧй дасьӧсь, ӧд онӧ тӧдӧй Господьныдлысь локтан кадсӧ.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 4:1

Та бӧрын Лов нуӧдіс Исусӧс овтӧминӧ, медым омӧльыс ыштӧдіс Сійӧс.

Матвей 4:11

Сэки омӧль эновтіс Исусӧс. Сэсся воисны анделъяс да кесъялісны Исуслы.

Марк 4:15

Туй бокӧ усьӧм кӧйдыс петкӧдлӧ: мортыс кылӧ Енлысь кывсӧ, но дзик пыр локтӧ сӧтана да гусялӧ сьӧлӧмас кӧдзӧм кывсӧ.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Лука 22:31

Господь шуис: «Кылан, Симон! Сӧтана корис шердйыны тіянӧс шобдіӧс моз.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

2 Коринфӧ 2:11

медым сӧтана эз ылӧдлы миянӧс, ми ӧд тӧдам сылысь наян мӧвпъяссӧ.

Ефесӧ 4:27

Энӧ сетӧй омӧльыслы кутчысянін.

Ефесӧ 6:11

Пасьталӧй Енсянь став вермасянторсӧ, медым верминныд сувтны омӧльыслӧн наяна лёк вӧчӧмъяслы паныд.

1 Тимофейлы 2:15

Но ань мездмас кага чужтӧм пыр, кутчысяс кӧ эскӧмас, муслунас, вежавидзӧмас да бур оласногас.

1 Тимофейлы 2:9

Кӧсъя, медым аньяс пасьтасисны лючки-бура, мичмӧдісны асьнысӧ рамлунӧн да вежавидзӧмӧн, а эз юрсинысӧ баситӧмӧн, зарни-жемчуг ӧшлӧмӧн да дона паськӧмӧн.

1 Тимофейлы 3:11

Аньяс мед тшӧтш лоасны мывкыдаӧсь, садь вежӧраӧсь, быдторйын эсканаӧсь да оз суклясьны.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Титлы 1:8

ветлысь-мунысьӧс мед сибӧдіс, бурсӧ радейтіс, вӧлі сюсь вежӧра, быдторйын веськыд, вежавидзысь да кужис асьсӧ кутны.

Титлы 2:12

Буралӧмыс велӧдӧ миянӧс, мед ми эновтчим Ентӧг олӧмсьыс да быдпӧлӧс мувывса ыштӧмсьыс, вӧлім сюсь вежӧраӧсь тайӧ нэмас, олім веськыда да вежавидзӧмӧн,

Титлы 2:2

Олӧма айуловӧс велӧд лоны авъяӧн, садь да сюсь вежӧраӧн. Мед найӧ топыда кутчысясны эскӧмас, муслунас да зумыдлунас.

Титлы 2:4

велӧдасны найӧс радейтны верӧснысӧ да ныв-пинысӧ.

Титлы 2:6

Зонъясӧс тшӧтш велӧд лоны сюсь вежӧраӧн.

Яков 4:7

Сідзкӧ, сетчӧй Енмыслы, паныд сувтӧй омӧльыслы, и сійӧ пышъяс тіян дінысь.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Восьтӧм 12:12

Сідзкӧ, енэжыс да став сэні олысьыс, нимкодясьӧй! Но курыд шог тіянлы, му вылын да саридзын олысьяс, ӧд тіян дінӧ лэччис омӧльыс! Сійӧ тырӧма ыджыд скӧрлунӧн, ӧд сійӧ тӧдӧ, мый сылӧн кадыс этша нин.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.

Ёрдысьяс 14:5

Самсон мӧдӧдчис бать-мамыскӧд Тимнаӧ. Сэтчӧс виноград йӧрлань матыстчигӧн сылы воча равзігтырйи уськӧдчис том лев.