1 Петыр 5:14 - Коми Библия 2023

¹⁴ Чолӧмалӧй ӧта-мӧднытӧ мусапырысь окыштӧмӧн. Лӧнь олӧм ставныдлы, кодъяс Исус Кристос пытшкынӧсь. Аминь.

1 Петыр 5:14 ပူးပေါင်းရင်းမြစ်များ

Матвей 5:47

Ті кӧ чолӧмаланныд-сибӧданныд сӧмын вокъяснытӧ, ті ӧмӧй бурджыка вӧчанныд? Оз ӧмӧй тадзи вӧчны тшӧтш ентӧдтӧмъяс?

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 20:19

Шойччан лун бӧрын рытнас велӧдчысьяс чукӧртчисны ӧтлаӧ. Иудейяслӧн веськӧдлысьясысь полӧм вӧсна найӧ йигналісны ӧдзӧсъяссӧ. Виччысьтӧг локтіс Исус, сувтіс на шӧрӧ да шуис: «Лӧнь олӧм тіянлы!»

Иоан 20:26

Вежон мысти Исуслӧн велӧдчысьясыс бара вӧліны керкаынӧсь, Фома тшӧтш вӧлі накӧд. Ӧдзӧсъясыс вӧліны йиганаӧсь, но Исус сувтіс на шӧрӧ да шуис: «Лӧнь олӧм тіянлы!»

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Римӧ 16:16

Чолӧмалӧй ӧта-мӧднытӧ вежа окыштӧмӧн. Тіянлы ыстӧны чолӧм Кристослӧн вичкояс.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 16:20

Тіянлы ыстӧны чолӧм став вокъяс. Чолӧмалӧй ӧта-мӧднытӧ вежа окыштӧмӧн!

2 Коринфӧ 13:12

Чолӧмалӧй ӧта-мӧднытӧ вежа окыштӧмӧн. Тіянлы ыстӧ чолӧм став вежа войтырыс!

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Ефесӧ 6:23

Вокъяс, сиа тіянлы лӧнь олӧм, муслун да эскӧм Ен Батьсянь да Господь Исус Кристоссянь.

1 Фессалоникаӧ 5:26

Чолӧмалӧй вокъясӧс вежа окыштӧмӧн.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

3 Иоан 1:14

Чайта, регыд аддзысям тэкӧд да воча пуксьӧмӧн сёрнитам.