1 Коринфӧ 9:21 - Коми Библия 2023

²¹ Индӧдтӧг олысьяскӧд куті ачымӧс тшӧтш на моз, медым вайӧдны найӧс Кристос дінӧ. Дерт, ме абу Индӧдтӧг олысь, ӧд ме ола Кристослӧн индӧд серти.

1 Коринфӧ 9:21 ပူးပေါင်းရင်းမြစ်များ

Ап. уджъяс 15:28

Вежа Лов да ми тшӧтш огӧ кӧсйӧй сьӧктӧдны тіянӧс, тшӧктам вӧчны сӧмын коланасӧ.

Ап. уджъяс 16:4

Каръясӧ ветлігӧн найӧ висьтавлісны эскысьяслы апостолъяслысь да юрнуӧдысьяслысь Ерусалимын шуӧм тшӧктӧмъяссӧ, медым эскысьяс олісны на серти.

Ап. уджъяс 21:25

А эскӧмӧ бергӧдчӧм ентӧдтӧмъяслы ми гижлім, мед видзасны асьнысӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь. Мукӧд тшӧктӧмас налы оз ков кутчысьны».

Римӧ 2:12

Мыжсӧ кӧ вӧчӧма Индӧдсӧ тӧдтӧг, Индӧдтӧгыс и бырӧдасны. Вӧчӧма кӧ мыжсӧ Индӧдсӧ тӧдӧмӧн, Индӧд сертиыс и мыждасны.

Римӧ 2:14

Мукӧд войтыръяслӧн Индӧдыс абу, но Индӧд нога вӧчӧмыс тыдалӧ налӧн оласногысь. Найӧ асьныс аслыныс индӧдыс.

Римӧ 7:22

Менам пытшкӧсса мортыс нимкодьпырысь сибӧдӧ Енлысь Индӧдсӧ,

Римӧ 7:25

Аттьӧала Енмӧс миян Господь Исус Кристосысь! Тадзи менам пытшкӧсса мортыс кывзысьӧ Ен Индӧдлысь, а тшыкӧм вир-яйыс – мыжыслӧн индӧдлысь.

Римӧ 8:4

медым Индӧдас висьталӧм веськыдлуныс збыльмис миян пытшкын, кодъясӧн веськӧдлӧ Лолыс, а оз вир-яйыс.

Галатӧ 3:2

Ӧтитор кӧсъя юавны: Индӧд серти уджъясӧн али кывлӧм Бур Юӧрӧ эскӧмӧн ті сибӧдінныд Вежа Ловсӧ?

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.