1 Коринфӧ 7:25 - Коми Библия 2023

²⁵ Ӧні висьтала верӧс сайӧ мунтӧмъяслы. Тайӧ абу Господьлӧн тшӧктӧм, ме висьтала ассьым видзӧдласӧс, ӧд Господьлӧн буралӧмыс кузя меным позьӧ эскыны.

1 Коринфӧ 7:25 ပူးပေါင်းရင်းမြစ်များ

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

1 Коринфӧ 4:2

Сӧмын татшӧм кывкутысьяслы колӧ лоны эсканаӧн.

1 Коринфӧ 7:10

Гозйӧн олысьяслы ог ме, а Господь тшӧктӧ: гӧтыр мед оз юксьы верӧсыскӧд.

1 Коринфӧ 7:12

Мукӧдыслы висьтала ме, оз Господь: кутшӧмкӧ эскысьлӧн кӧ гӧтырыс оз эскы, но кӧсйӧ овны верӧсыскӧд, тайӧ эскысьыс мед оз юксьы гӧтырыскӧд.

1 Коринфӧ 7:28

Дерт, гӧтрасян кӧ, он мыжмы. Ныв кӧ петас верӧс сайӧ, тшӧтш оз ло мыжа. Но гозъякост олӧмас виччысьӧ тіянӧс уна сьӧкыдлун, да таысь кӧсъя видзны тіянӧс.

1 Коринфӧ 7:34

Верӧстӧм ань тӧждысьӧ, медым Господьлы шогмыны, медым вир-яйнас да ловнас Сы водзын вежаӧн лоны. А верӧс сайӧ петӧм ань тӧждысьӧ быдлунъя могъяс вӧсна, медым верӧсыслы шогмыны.

1 Коринфӧ 7:40

Но бурджык лоӧ, оз кӧ пет верӧс сайӧ. Чайта, Енлӧн Лолыс эм и ме пытшкын, сійӧн тадзи шуа.

1 Коринфӧ 7:6

Дерт, тайӧ абу тшӧктӧм, но ті верманныд тадзи вӧчны.

2 Коринфӧ 11:17

Дерт, тайӧ абу Господьсянь, но ме кута ошйысьны тіян водзын мывкыдтӧм морт моз.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.