1 Коринфӧ 7:21 - Коми Библия 2023

²¹ Енлӧн коригас кӧ вӧлін кесйӧгӧн, эн майшась, но позьӧ кӧ мездмыны, бурджыксӧ бӧрйы.

1 Коринфӧ 7:21 ပူးပေါင်းရင်းမြစ်များ

Лука 12:29

Энӧ корсьысьӧй, мый сёйны-юны. Энӧ майшасьӧй та вӧсна.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

1 Коринфӧ 7:20

Быдӧн мед лоӧ сэтшӧмӧн, кутшӧмӧн вӧлі Енлӧн коригас.

1 Коринфӧ 7:22

Господьлӧн коригас кӧ мортыс кесйӧгӧн вӧлі, ӧні сійӧ Господьлӧн мездлуна морт. А мездлуна кӧ вӧлі, ӧні сійӧ Кристослӧн кесйӧг.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Филипӧ 4:11

Висьтала тайӧс ог сы понда, быттьӧ меным мыйкӧ оз тырмы, ӧд ме велалі овны сійӧн, мый эм.

Филипӧ 4:6

Нинӧм вӧсна энӧ майшасьӧй. Енсӧ аттьӧалӧмӧн да Сылы кевмысьӧмӧн вайӧй Сы водзӧ став ассьыныд корӧм-кӧсйӧмнытӧ.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

1 Петыр 5:7

Ассьыныд став тӧжд-могтӧ вайӧй Сылы, ӧд Сійӧ тӧждысьӧ тіян вӧсна.