17 А Господькӧд ӧтувтчысь лоӧ Сыкӧд ӧти лола.
Вир-яйсянь чужысь эм вир-яй, а Ловсянь чужысь эм лов.
Тіян пытшкын кӧ збыльысь олӧ Енлӧн Лолыс, сідзкӧ, ті Лов веськӧдлӧм улынӧсь, абу вир-яйлӧн ыджыдалӧм улынӧсь. Код пытшкын абу Кристослӧн Лолыс, сійӧ абу Сылӧн.
Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.
Ті ӧмӧй онӧ тӧдӧй, мый тіян вир-яйныд – Кристос вир-яйлӧн юкӧн? Сідзкӧ, босьта ӧмӧй Кристос вир-яйлысь юкӧнсӧ да йита сійӧс кырсалысь анькӧд? Ен мед видзас!
Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.
ӧд ми – Сы вир-яйлӧн юкӧнъяс.
Мӧвпалӧй да вӧчӧй Исус Кристос моз.
