1 Коринфӧ 5:1 - Коми Библия 2023

¹ Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

1 Коринфӧ 5:1 ပူးပေါင်းရင်းမြစ်များ

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Олӧм 37:2

Яков да сысянь чужысьяс йылысь. Кор Ӧсиплы вӧлі дас сизим арӧс, сійӧ видзис [батьыслысь] ыжъяссӧ ӧтлаын вокъясыскӧд, Валлалӧн да Зелфалӧн пиянкӧд. Валла да Зелфа вӧліны батьыслӧн гӧтыръяс. Вокъясыслӧн лёк вӧчӧм йылысь Ӧсип висьтавліс батьныслы.

Олӧм 49:4

Тэ бузгысь ва кодь, тэ медводдза чужысьлысь нимтӧ воштін, ӧд тэ батьыд вольпасьӧ водін, менсьым вольпасьӧс пежалін.

Ӧксыяслӧн 2 небӧг 16:22

Авессаломлы сувтӧдісны чом Давидлӧн керка вевт вылӧ. Израиль войтырлӧн син водзын Авессалом пыравліс тайӧ чомъяс да сэні узьліс батьыслӧн кесйӧг-гӧтыръяскӧд.

Ӧксыяслӧн 2 небӧг 20:3

Ерусалимын Давид ӧксы муніс аслас гортӧ. Даснан кесйӧг-гӧтырсӧ, кодъясӧс кольліс керка бӧрсяыс видзӧдны, овмӧдіс торъя керкаӧ. Давид сувтӧдіс сэтчӧ видзысьясӧс да могмӧдіс аньясӧс став коланаторнас, но на дінӧ эз пыравлы. Олӧм помӧдзныс аньяс олісны видзӧдӧм улын дӧваяс моз.

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

Еремей 2:33

Кутшӧм наяна тэ сибӧдчан муслун корсигад, весиг лёк оласнога аньясӧс аслад туйӧ велӧдан!

Езекиль 16:47

Тэ ветлін налӧн туйӧд, тэнад уджъясыд вӧліны налӧн кодь зывӧкӧсь. Но тайӧ тэныд вӧлі этша на, и тэ наысь унджык пежсӧ вӧчин.

Езекиль 22:10

Айулов узьлӧны батьныслӧн гӧтыркӧд, мырдӧналӧны аньясӧс тӧлысся дырйиныс.

Левит 18:8

Батьтӧ эн янӧд, сылӧн гӧтыркӧд эн узьлы.

Левит 20:11

Коді узяс батьыслӧн гӧтырыскӧд, сійӧ янӧдӧ батьсӧ. Найӧс кыкнаннысӧ колӧ вины, найӧ асьныс лоӧны мыжаӧсь асланыс кулӧмысь.

Амос 2:7

Гӧль йӧзӧс найӧ талялӧны кок уланыс, коньӧръяслы туйсӧ тупкӧны. Батьыс да пиыс ӧти ань дінӧ ветлӧны – тадзи янӧдӧны Менсьым вежа нимӧс.

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

1 Коринфӧ 1:11

Вокъяс, Клоялӧн гортсасянь ме кывлі, ті пӧ вензянныд ӧта-мӧдныдкӧд.

1 Коринфӧ 5:11

Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

1 Коринфӧ 6:13

Сёяныд – кынӧмлы, а кынӧмыд – сёянлы. Но Енмыс бырӧдас ӧтисӧ и мӧдсӧ. Вир-яйыд абу кырсалӧм вылӧ, сійӧ – Господьлы, а Господь – вир-яйлы.

1 Коринфӧ 6:18

Сідзкӧ, энӧ кырсалӧй! Мукӧд мыжсӧ мортыд оз аслас вир-яйлы паныд вӧч, а кырсалысь аслас вир-яйлы паныд мыж вӧчӧ.

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

2 Коринфӧ 2:5

Кодкӧ шогӧдіс кӧ менӧ, сійӧ эз сӧмын менӧ шогӧд. Содтавтӧг шуа, сійӧ шогӧдіс мыйтакӧ тшӧтш ставнытӧ тіянӧс.

2 Коринфӧ 7:12

Ме гижи тіянлы эг сы вӧсна, коді вӧчис лёксӧ либӧ кодлы вӧчисны лёксӧ, а гижи тіянлы, медым ті гӧгӧрвоинныд Ен водзын, кутшӧма ми тӧждысям тіян вӧсна.

Галатӧ 5:19

Вир-яйлӧн уджыс тӧдса: тайӧ – гозъякост олӧм пежалӧм, кырсалӧм, пеж вӧчӧм, лэдзчысьӧм оласног,

Ефесӧ 5:3

Ті – вежа войтыр. Сідзкӧ, некутшӧм кырсалӧм, пеж оласног да горшасьӧм мед эз вӧв тіян пӧвстын. Весиг энӧ сёрнитӧй та йылысь!

Индӧд 22:30

Оз позь босьтны гӧтырӧ батьлысь гӧтырсӧ либӧ узьлыны сыкӧд».

Индӧд 27:20

”Ёрӧм улӧ веськалӧ быдӧн, коді узьӧ батьыслӧн гӧтырыскӧд, ӧд тадзи вӧчӧмнас янӧдӧ батьсӧ”. И став войтырыс мед шуас: ”Мед лоӧ тадзи!”

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

1 Фессалоникаӧ 4:7

Енмыс корис миянӧс овны вежа оласногӧн, а эз пеж оласногӧн.

Восьтӧм 2:21

Ме сеті сылы кад бергӧдчыны кырсалӧмсьыс, но сійӧ эз бергӧдчы.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Ӧксыяслӧн 1 небӧг 2:24

Дугдӧй, пиянӧй, вӧчны пежсӧ. Ог бурторъяс ме кыв тіян йылысь. Господьлӧн войтырыс лёктор висьталӧ тіян йылысь.