1 Коринфӧ 4:14 - Коми Библия 2023

¹⁴ Гижа тайӧс тіянӧс туйдӧдӧм могысь, а ог янӧдӧм могысь, ӧд ті менам муса ныв-пи.

1 Коринфӧ 4:14 ပူးပေါင်းရင်းမြစ်များ

Езекиль 3:21

Но тэ кӧ ӧлӧдан веськыда олысьӧс, медым сійӧ мыжсӧ эз вӧч, и сійӧ оз вӧч мыжсӧ, сэки ловйӧн коляс, ӧд кывзіс ӧлӧдӧмсӧ. Тэ тшӧтш мездан ассьыд олӧмтӧ».

Ап. уджъяс 20:31

Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.

1 Коринфӧ 15:34

Пальӧдчӧй да олӧй бур ногӧн, дугдӧй вӧчны мыжсӧ! Ӧд ӧткымынӧн тіян пӧвстысь оз тӧдны Енсӧ, ме шуа тайӧс тіянӧс янӧдӧм могысь.

1 Коринфӧ 4:15

Дерт, тіян вермас лоны Кристос йылысь уна сюрс велӧдысь, но батьыс сӧмын ӧти, ӧд Бур Юӧрсӧ тіянлы ме висьтавлі. Тадзи чужті тіянӧс Исус Кристослы эскысьясӧн.

1 Коринфӧ 4:17

Ме мӧдӧді тіян дінӧ Тимофейӧс. Господь пытшкын сійӧ менам муса пи да эскана кесъялысь. Сійӧ казьтыштас тіянлы Кристоскӧд менам ӧтувъя олӧм йылысь. Та йылысь ме велӧда быдлаын, быд вичкоын.

1 Коринфӧ 6:5

Шуа тайӧс тіянӧс янӧдӧм могысь. Оз ӧмӧй тіян пӧвстысь сюр мывкыда морт, коді эськӧ бурӧдіс эскысьясӧс ӧта-мӧдныскӧд?

1 Коринфӧ 9:15

Но ме некор тадзи эг вӧчлы. Ме гижа та йылысь ог аслым мыйкӧ босьтӧм могысь, ӧд бурджык меным кувны тадзи вӧчӧм дорысь! Но тайӧн ошйысьӧмысь некод оз вермы дугӧдны менӧ.

2 Коринфӧ 11:11

Мыйла ог кӧсйы сьӧктӧдны тіянӧс? Гашкӧ, чайтанныд, ог радейт тіянӧс? Енмыс тӧдӧ, ті меным мусаӧсь! Но кыдзи вӧча ӧні, сідзи и водзӧ кута вӧчны.

2 Коринфӧ 12:19

Гашкӧ, чайтанныд, ми дорйысям тіян водзын? Огӧ! Ми сёрнитам Ен водзын кыдзи Кристослы кесъялысьяс. Мусаяс, ми ставсӧ тайӧс висьталам тіянӧс ёнмӧдӧм могысь.

2 Коринфӧ 7:3

Тайӧс висьтала ог тіянӧс мыждӧм могысь. Водзынджык ме шулі нин тіянлы, мый ті миян сьӧлӧмынӧсь, ми дасьӧсь овны и кувны тіянкӧд ӧтвылысь.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

1 Фессалоникаӧ 2:11

Тіянлы быдӧнлы ми вӧлім бать пыдди, ті асьныд тайӧс тӧданныд.

1 Фессалоникаӧ 5:14

Вокъяс, корам тіянӧс: дышъясӧс туйдӧдӧй, полысьясӧс ышӧдӧй, жебъясӧс кутыштӧй, быдӧнӧс терпитӧй.

2 Фессалоникаӧ 3:14

Коді оз вӧч тайӧ гижӧдас висьталӧм серти, сійӧс кутӧй тӧд выланыд. Татшӧм мортыскӧд энӧ кутӧй некутшӧм йитӧд. Тадзи ті янӧданныд сійӧс.

Филимонлы 1:10

кора тэнӧ Ӧнисим пиӧй вӧсна. Сійӧс ме чужті тані дзескыдінын.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

3 Иоан 1:4

Меным вывті нимкодь кывны, мый менам челядь ветлӧны збыляс.