1 Коринфӧ 4:10 - Коми Библия 2023

¹⁰ Кристос вӧсна ми йӧйӧсь, а ті Кристос пытшкын мывкыдаӧсь. Ми жебӧсь, а ті вынаӧсь. Миянӧс лёкӧдӧны, а тіянӧс ошкӧны.

1 Коринфӧ 4:10 ပူးပေါင်းရင်းမြစ်များ

Ӧксыяслӧн 4 небӧг 9:11

Кор Еху бӧр бергӧдчис ӧксылӧн киподувса веськӧдлысьяс дінӧ, найӧ юалісны сылысь: «Ставыс-ӧ тэнад бур? Мыйла воліс тэ дінӧ тайӧ выжывыс?» Еху вочавидзис: «Ті ӧд асьныд тӧданныд, мыйсяма тайӧ морт, и мый сійӧ вермас висьтавны».

Шусьӧгъяс 11:12

Вежӧртӧм морт лёкӧдӧ ассьыс матыссасӧ, вежӧра – чӧв олӧ.

Исай 53:3

Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Матвей 24:9

Тіянӧс пондасны дзескӧдны да унаӧс виасны. Менам ним вӧсна став войтыръяс мустӧмтасны тіянӧс.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Лука 18:9

Асьнысӧ веськыда олысьӧ пуктысьяслы да мукӧдӧс увтыртысьяслы Исус висьталіс татшӧм велӧданвисьт:

Лука 6:22

Ті шудаӧсь, Морт Пи вӧсна кӧ йӧзыс тіянӧс мустӧмтӧны, вӧтлӧны, лёкӧдӧны да няйтӧсьтӧны тіянлысь нимнытӧ.

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 17:32

Кулӧмысь ловзьӧм йылысь кылӧм бӧрын ӧтияс пондісны серавны, мӧдъяс шуисны, та йылысь пӧ коркӧ мӧдысь тэнӧ кывзам.

Ап. уджъяс 26:24

Кор Павел тадзи дорйысис, Фест гораа шуис: «Тэ дзикӧдз йӧймӧмыд, Павел! Ыджыд тӧдӧмлуныд вӧсна вежӧртӧ воштӧмыд».

Ап. уджъяс 9:16

Ме петкӧдла сылы, мыйта сьӧкыд ковмас нуны сылы Менам ним вӧсна».

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

1 Коринфӧ 1:23

а ми висьталам тувъялӧм Кристос йылысь. Иудейяс крукасьӧны тайӧ висьталӧмас, а грекъяс лыддьӧны тайӧс йӧйталӧмӧн.

1 Коринфӧ 1:25

Ӧд Енлӧн ”мывкыдтӧмлуныс” ёна ыджыдджык морт мывкыдысь, да Енлӧн ”жеблуныс” ёна вынаджык морт вынысь.

1 Коринфӧ 10:12

Сідзкӧ, чайтан кӧ, мый зумыда сулалан – видзчысь усьӧмысь.

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

1 Коринфӧ 2:3

Тіян дінӧ ме локті жебӧн да полысьӧн, сьӧлӧмӧй ёна тіраліс.

1 Коринфӧ 3:18

Асьнытӧ энӧ ылӧдлӧй. Тайӧ муюгыдас кӧ лыддьӧ кодкӧ асьсӧ мывкыдаӧн, медводз сійӧ мед лоӧ мывкыдтӧмӧн. Сэки сійӧ збыльысь лоӧ мывкыда.

1 Коринфӧ 3:2

Ме верді тіянӧс йӧлӧн, а эг чорыд сёянӧн, ӧд ті энӧ на вермӧй сёйны чорыдсӧ. Ті ӧнӧдз онӧ вермӧй сёйны сійӧс,

1 Коринфӧ 4:8

Тіян ставыс эм, ті ёна нин озырминныд. Ӧні ті – ӧксыяс, а ми – некод. Дерт, ме ёна кӧсъя, медым ті збыльысь вӧлінныд ӧксыясӧн, сэки эськӧ тіянкӧд ӧтвыв вермим ӧксыавны!

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

2 Коринфӧ 11:19

Ӧд ті, мывкыда йӧз, кокньыда терпитанныд мывкыдтӧмъясӧс.

2 Коринфӧ 11:29

Лигышмунӧма кӧ кодкӧ, ме тшӧтш. Усьӧма кӧ кодкӧ, менам сьӧлӧмӧй ёна висьӧ сы вӧсна.

2 Коринфӧ 13:9

Ми нимкодясям, ті кӧ вынаӧсь, а ми вынтӧмӧсь. Дзик та вӧсна кевмысям, мед ті быдторйын вежсинныд бурланьыс.

2 Коринфӧ 4:12

Тадзи кулӧмыс вӧчӧ ассьыс уджсӧ миян пытшкын, а олӧмыс – тіян пытшкын.

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

1 Петыр 4:14

Тіянӧс кӧ лёкӧдӧны Кристос ним вӧсна, ті шудаӧсь. Ӧд Енлӧн дзирдлуна Лолыс тіянкӧд. Йӧзыс омӧльтӧны Сійӧс, а ті ошканныд.