1 Коринфӧ 2:15 - Коми Библия 2023

¹⁵ Морт пытшкас кӧ эм Енлӧн Лолыс, татшӧм мортыс вермӧ донъявны быдтор, а сійӧс донъявны некод оз вермы.

1 Коринфӧ 2:15 ပူးပေါင်းရင်းမြစ်များ

Ӧксыяслӧн 2 небӧг 14:17

Ме, тэнад кесйӧг, аслым шуи: ”Мед ӧксылӧн, менам ыджыдлӧн, шуӧмыс бурӧдас-лӧньӧдас менӧ. Ӧд менам ӧксыӧй-ыджыдӧй Енлӧн андел кодь, кужӧ торйӧдны бурсӧ лёксьыс”. Ӧксыӧй, мед Господь, тэнад Енмыд, лоӧ тэкӧд!»

Шусьӧгъяс 28:5

Лёк йӧз веськыда мыждӧмсӧ оз гӧгӧрвоны, а Господьӧс корсьысьяс сійӧс бура вежӧртӧны.

Еклесиаст 8:5

Ӧксылӧн тшӧктӧм серти олысь оз шед лёкас. Мывкыда морт тӧдӧ, кор-мый вӧчнысӧ,

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Ап. уджъяс 16:3

Павел шуис босьтны Тимофейӧс аскӧдыс да вундыштіс сійӧс сэтчӧс иудейяс понда, ӧд найӧ тӧдісны, мый Тимофейлӧн батьыс грек.

1 Коринфӧ 14:37

Коді лыддьӧ асьсӧ пророкӧн либӧ Лов серти олысьӧн, сійӧ мед тӧдӧ, мый тайӧ велӧдӧмыс – Господьлӧн тшӧктӧм.

1 Коринфӧ 3:1

Вокъяс, ме эг вермы сёрнитны тіянкӧд Лов серти олысьяскӧд моз. Ме сёрниті тіянкӧд вир-яй серти олысьяскӧд моз, ӧд Кристослы эскӧмын ті кага кодьӧсь на.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

Галатӧ 6:1

Вокъяс, мыжмас кӧ кодкӧ, сэки ті, Лов серти олысьяс, веськӧдӧй сэтшӧмсӧ рам сьӧлӧмӧн. Видзӧдӧй ас бӧрсяныд, мед асьныд энӧ шедӧй ылӧгас.

Филипӧ 1:10

медым верминныд тӧдмавны медбурсӧ. Сэки Кристослӧн лунӧ ті лоанныд сӧстӧмӧсь да мыжтӧмӧсь,

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

1 Фессалоникаӧ 5:21

Ставсӧ тӧдмалӧй, бурас кутчысьӧй.

Еврейяслы 5:14

Но тыр арлыдаяслы колӧ пӧткӧдчыны чорыд сёянӧн, ӧд найӧ вермӧны нин торйӧдны бурсӧ да лёксӧ.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.